.png){kind=logo}
Японы мэргэжлийн сумо бөхийн 7 дугаар сарын 13-ны буюу Нагоя башёгийн 5 дахь өдрийн барилдаанд Шинэхэн Озэки Киришима /Кирибаяама/ Б.Лхагвасүрэн, Тобизарюү /М-1/-тэй таарч барилдан түүнд ёрикири мэхээр унаснаар 1 даваа /1-2-2/ тай башёг үргэлжлүүлж байна.
Харин Сэкивакe Хошёорюү С.Бямбасүрэн, энэ өдөр Комүсүби Аби-тай учраа таарч барилдан, түүнийг окүрихикиотоши мэхээр давснаар башёг 4 даваа, 1 унаатай башёг үргэлжлүүлж явна.
Нагоя башёгийн 5 дахь өдөр Хокүсэйхо А.Даваанинж /М-6/, Асанояама /М-4/-тай таарч барилдан түүнийг ёрикири мэхээр давснаар 3 даваа, 2 унаатай боллоо.
Тамаваши Б.Мөнх-Оргил/М-7/, энэ өдөр Оношо /М-5/-той таарч барилдан, түүнийг ёрикири мэхээр хаяснаар башёг 4 даваа, 1 унаатай башёг үргэлжлүүлж явна.
Энэ өдөр Чиёошома Г.Мөнхсайхан /М-12/, Дайшохо Ч.Шижирбаяр /М-14/ нар хоорондоо тааран хүч үзэж Чёошома ёрикири мэхээр унаснаар 2 даваа, 3 унаатай болсон бол Дайшохо ганц даваа, 4 унаатай башёг үргэлжлүүлж байна.
Харин энэ өдөр Нишикиги /М-1/, Озэки цолонд горилж байгаа Сэкиваке Вакамотохару-г ёрикири мэхээр давснаар Нагоя башёгийн 5 дахь өдрийн барилдааны дараа Такаяасү /М-7/, Гонояама /М-13/ нарын хамт 5 даваатай башёг тэргүүлж явна.
