.png){kind=logo}
Японы мэргэжлийн сумо бөхийн 7 дугаар сарын 18-ны буюу Нагоя башёгийн 10 дахь өдрийн барилдаанд Шинэхэн Озэки Киришима /Кирибаяама/ Б.Лхагвасүрэн, Ура /М-3/-тай учраа таарч барилдан, түүнийг ёрикири мэхээр хаяж 4 даваа 4 унаатай /4-4-2/ болоод байна.
Харин Сэкивакe Хошёорюү С.Бямбасүрэн, Комүсүби Котоновака /М-5/-тэй учраа таарч барилдан, түүнд ошидаши мэхээр унаснаар 8 даваа, 2 унаатай башёг үргэлжлүүлж байна.
Нагоя башёгийн 7 дахь өдөр Тамаваши Б.Мөнх-Оргил/М-7/, Хокүтофүжи/М-9/-тэй учраа тааран хүч үзэж, түүнд ошитаоши мэхээр унаж 6 даваа, 4 унаатай боллоо.
Мөн энэ өдөр Хокүсэйхо А.Даваанинж /М-6/, Шодай /М-2/-той таарч барилдан түүнд ёрикири мэхээр унаснаар 4 даваа, 6 унаатай болоод байна.
Энэ өдөр Чиёошома Г.Мөнхсайхан /М-12/, Эндо /М-16/-той хүч үзэж түүнд ошидаши мэхээр унаснаар 5 даваа, 4 унаатай боллоо.
Дайшохо Ч.Шижирбаяр /М-14/, Таканошо /М-9/-той энэ өдөр таарч барилдан түүнийг ошидаши мэхээр давснаар 4 даваа, 6 унаатай башёг үргэлжлүүлж байна.
