.png){kind=logo}
“Улаанбаатар-2023” Зүүн Азийн залуучуудын наадмаас Монголын баг хоёр дахь алтан медалиа 3х3 сагсан бөмбөгийн төрлөөр хүртлээ.
Манай залуучууд аваргын төлөө БНХАУ-ын багийг 18:15 харьцаагаар буулгаж авав. Тус тоглолтод манай баг 0:6-гаар хожигдож эхэлсэн ч төгсгөлийг чамбай хийж, ялалт байгуулсан юм. Энэ 2 баг өчигдөр тааран тоглоход манайхан 21:17-гоор хожиж байсан билээ.
Өнгөрсөн хавар 3х3 сагсны насанд хүрэгчдийн шигшээ Азийн аварга болсон бол энэ удаа дүү нар нь нутагтаа зохиогдсон Зүүн Азийн наадамд аваргаар шалгарлаа.
