Шинэ арслантай намрын тэмцээний Банцүкэг зарлалаа

Японы сумо бөхийн холбооноос ирэх сарын 10-нд Токиод эхлэх Намрын тэмцээний банцүкэг өнөөдөр зарлалаа. 13 башё ёкозүна цолтой барилдаж байгаа Тэрүнофүжи зүүн жигүүрийн манлайд заларсан.

Өнгөрсөн тэмцээний голоос гарсан аваргыг Намрын тэмцээнд 9 дэх түрүүгээ хүртэх үү гэдэг их сонирхол татаж байгаа. Намрын тэмцээнээс 3 Озэки барилдах болсон. Монголоос төрсөн 7 дахь озэки Хоошёорюү 33 башё барилдаад арслан болсон амжилтаараа түүхэнд аравт бичигдэж байна.

Нөгөө хоёр озэки хоёулаа ирэх тэмцээнд кадобан буюу 50 хувийн амжилт үзүүлж чадахгүй бол цолоо алдахаар болсон. Киришима озэки цол хүртээд хоёр дахь башёдоо кадобан болсон бол Такакэйшёо долоо дахь удаагаа кадобан болж байгаа юм.

Котоновака шинээр сэкивакэ цол хүртэж, аавынхаа цолтой зэрэгцлээ. Нишикиги шинээр комүсүби болж, Тобизарү комүсүби цолоо эргүүлэн авсан байна. Манай Тамашёохо жюүрёогийн манлай бөх болжээ. Харин Асанояма дэвжээний Токинишики Ц.Түшиг зодог тайлав.

Шинэ банцүкэд хамгийн олон бөхтэй нь 26 бөхтэй Такасаго, 25 бөхтэй Коконоэ, 24 бөхтэй Кисэ байна.

АКИ БАШЁ - БАНЦҮКЭ

Ёкозүна Тэрүнофүжи

Киришима Озэки Такакэйшёо

Озэки Хоошёорюү

Дайэйшёо Сэкивакэ Вакамотохарү

Котоновака Сэкивакэ

Нишикиги Комүсүби Тобизарү

Хокүтофүжи Маэгашира-1 Мэйсэй

Аби М-2 Асанояма

Шёодай М-3 Тамаваши

Таканошёо М-4 Үра