.png){kind=logo}
Фүкүока хотноо болж байгаа Японы мэргэжлийн сумо бөхийн 11 дүгээр сарын Кюүшюү башёгийн 15 дахь өдрийн барилдаанд Озэки Киришима Б.Лхагвасүрэн, Озэки Такакэйшо-той барилдаж түүнийг цүкиотоши мэхээр давснаар 13 даваа, 2 унаатай башёг тэргүүлж, Японы эзэн хааны цомыг 2 дахь удаагаа хүртэж байна.
Ийнхүү энэ амжилтаараа Озэки Киришима Б.Лхагвасүрэн Японы мэргэжлийн сумо бөхийн Дээд зиндаа /Макүүчи/-нд Японы Эзэн хааны цом хүртсэн Монгол сумочдын 100 дахь түрүү бөхөөр тодорлоо.
Энэ өдөр Озэки Хошёорюү С.Бямбасүрэн, Сэкиваке Дайэйшо-той барилдаж, түүнийг ёрикири мэхээр хаяж 10 даваа, 5 унаатай башёг дуусгаж байна.
Сэкиваке Котоноваке, Атамифүжи /М-8/-тэй учраа таарч барилдан, түүнийг хикиотоши мэхээр давснаар тэд адилхан 11 даваа, 4 унаатай башёг өндөрлүүлэв.
Тамаваши Б.Мөнх-Оргил /М-12/ энэ өдөр Такаясү /М-2/-тэй учраа тааран хүч үзэж, түүнд цүкиотоши мэхээр унаснаар 9 даваа, 6 унаатай башёг дуусгалаа.
Мөн Хокүсэйхо А.Даваанинж /М-7/, Ура /М-1/-тэй таарч барилдан түүнд ошитаоши мэхээр унаснаар 7 даваа, 8 унаатай энэ башёг дуусгав.
Макүүчид анх удаа дэвшин барилдаж байгаа ОХУ-ын Тувагийн монгол бөх Рога А.Амарсанаа /М-16/ энэ өдөр Эндо /М-/-тэй учраа таарч хүч үзэн түүнийг котэнагe мэхээр хаяж 5 даваа, 10 унаатай болов.
