.png){kind=logo}
Өнөөдөр буюу 2023 оны 11 дүгээр сарын 29-ний Лхагва /Үлэмж/ гарагт болох зарим үйл явдлыг тоймлон танилцуулж байна.
08.30-17.30 цагт МУИС-ийн төв байрны дугуй танхимд: Монголын Хүрээлэн буй орчны инженер мэргэжилтнүүдийн нийгэмлэг, МУИС-ийн Инженер технологийн сургууль, “ЭРАСМУС-ТАКМИ” төслийн хамтарсан "Хүрээлэн буй орчин-2023" эрдэм шинжилгээний хурал болно.
10.00 цагт Татварын ерөнхий газарт: ХХОАТ-ын татварын өөрчлөлтийн талаар уулзалт зөвлөгөөн болно. Хувиараа бизнес эрхлэгчид, урлаг соёлын төлөөлөл оролцно. Утас: 8080-6689, 8007-0366.
11.00 цагт “Гүрү” ресторан (ЗТХЯ-ны хажууд)-нд: О.Эрдэнээ, Д.Галсандорж нарын хамтарсан “Оюутолгой, “Эрдэнэт” үйлдвэрүүдийн олон улсыг өрсөлдөх чадвар”-ын харьцуулсан судалгааны номын нээлт болно.
11.00 цагт “Монгол ньюс” мэдээллийн төвд: Дэлхийн цомын аварга шалгаруулах тэмцээнээс Монголын Гараар татах хүчний баг тамирчид 5 алт хүртэж, медалийн дүнгээр шилдэг гурван улсад олгодог Дэлхийн цомыг анх удаа Монголын баг тамирчид эх орондоо авч ирсэн талаар "Монголын Гараар татах хүчний холбоо"-ноос мэдээлнэ.
Төрийн ордонд: Засгийн газар хуралдана.
“Хүний эрх хамгаалагч эмэгтэйчүүдийн өдөр”-ийг угтан хүний эрх хамгаалагчдын өнөөгийн нөхцөл байдлыг хэлэлцэх, "Хүний эрх хамгаалагч" хөрөг найрууллын МОЖО уралдааны шагнал гардуулах “Хүний эрхийн хамгаалагч “Зоригтон-2023” үйл ажиллагаа болно.
Даланзадгад хотод: Уул уурхайн нөлөөллийн талаархи дата экспертүүдийн “Мэдлэгт хөтлөх номын цаг” уулзалт болж байна.
Улаанбаатар хотын Захирагчийн ажлын албанаас зохион байгуулж буй "Өвлийн идэш-2023" өргөтгөсөн худалдаа үргэлжилж байна.
18.00 цагт “Зайсан Хилл”-д: Монгол хувилбараар бүтээсэн “SUITS” киноны нээлт болно. Утас: 9191-5473.
