.png){kind=logo}
Улаанбаатар, 2023 оны арванхоёрдугаар сарын 11 /МОНЦАМЭ/. 2023 оны 12 дугаар сарын 11-17-нд болох үйл явдлын тойм-
Улаанбаатарт:
12 дугаар сарын 11-нд: УИХ дахь МАН, АН-ын бүлгийн ээлжит хуралдаан Төрийн ордонд болно.
12 дугаар сарын 11-нд: Төрийн ордонд төрийн байгууллагуудын мэдээллийн технологийн мэргэжилтнүүдийн "Админ-2023" уулзалт өдөрлөг болно.
12 дугаар сарын 11-нд: Туушин зочид буудлын Соёмбо танхимд "Аялал жуулчлал-Ногоон хөрөнгө оруулалт" чуулган болно.
12 дугаар сарын 12-нд: Цаг уур, орчны шинжилгээний газраас “Цаг агаар ба хэвлэл мэдээлэл” сэдэвт сургалтыг хэвлэл мэдээллийнхний дунд зохион байгуулна.
12 дугаар сарын 12-нд: МЗЭ, ШУА-ийн Хэл зохиолын хүрээлэн, Баянбулаг нутгийн хөгжил нийгэмлэг ТББ, “Улирал ба зохиолч" сэтгүүл хамтран Монголын үргэлжилсэн үгийн зохиолын нэрт төлөөлөгч зохиолч Пэрэнлэйн Лувсанцэрэнгийн мэндэлсний 90 жилийн ойд зориулсан эрдэм шинжилгээний хурлыг ГХЯ-ны хурлын танхимд зохион байгуулна.
12 дугаар сарын 12-нд: Монгол бүжгийн орчин цагийн сургалтын дэгийг үндэслэгч Монгол Улсын Ардын багш, Гавьяат жүжигчин, Монгол Улсын Консерваторийн профессор Гарамын Долгорсүрэнгийн мэндэлсний 100 жилийн ойд зориулсан бүжгийн урлагийн нэрт мастеруудын нэгдсэн Хүндэтгэлийн тоглолт Соёлын төв өргөөнд болно.
12 дугаар сарын 12, 13-нд: УИХ-ын Байнгын хороодын хуралдаан болно.
12 дугаар сарын 13-нд: Засгийн газрын ээлжит хуралдаан Төрийн ордонд болно.
12 дугаар сарын 14-нд: “Бизнесийн орчин ба арилжааны хуулийн хэрэгцээ, шаардлага” хэлэлцүүлгийг ХЗДХЯ, МҮХАҮТ зохион байгуулна.
12 дугаар сарын 14, 15-нд: УИХ-ын чуулганы нэгдсэн хуралдаан Төрийн ордонд болно.
12 дугаар сарын 15-нд: Руни бичгийг тайлж уншсаны 130 жилийн ойд зориулсан “Түрэг судлал” сэдэвт оюутны эрдэм шинжилгээний хурал МУИС-ийн II байранд болно.
12 дугаар сарын 16-нд: МУГЖ, УДБЭТ-ын гоцлол дуучин Ө.Уянгын “Зул сарын аялгуу” жазз опера тоглолт Соёлын төв өргөөнд болно.
12 дугаар сарын 16-нд: “101 гөлөг” хүүхэд хамгааллын жүжгийг Улаанбаатар паласын концертын танхимд тоглоно.
-МҮХАҮТ-аас Нийслэлийн Засаг даргын Тамгын газартай хамтран нийслэлийн төв талбайд “Гацуурын төгөл” арга хэмжээг зохион байгуулна. Энэ хүрээнд аж ахуйн нэгжүүд бараа, бүтээгдэхүүнээ сурталчилж, сүлд модоо байрлуулах юм.
-МУЭ, Бий контемпорари арт галерей хамтран зохион байгуулж буй “КОНТЕМПОРАРИ АРТ МОНГОЛИА-2023” үзэсгэлэн үргэлжилнэ.
-Монголын Уран зургийн галерейд “Стрийт фото” гэрэл зургийн үзэсгэлэн үргэлжилнэ.
-“Хархорум” олон улсын кино наадам үргэлжилнэ.
Орон нутагт:
12 дугаар сарын 11-нд: Дундговь аймагт Гамшгийн эрсдэлийг бууруулах орон нутгийн зөвлөл хуралдаж, энэ оны ажлын гүйцэтгэл, 2024 оны ажлын төлөвлөгөөний төсөл, төсвийг хэлэлцэнэ
12 дугаар сарын 13-нд: Алтай хотноо “Хүрэл тулга-2023” Говь-Алтай аймгийн өсвөрийн яруу найрагчдын шүлгийн уралдаан болно.
12 дугаар сарын 14-нд: Орхон аймгийн Эрдэнэт үйлдвэрийн 45 жилийн ой тохионо. Энэ үеэр баярын хурал, хүндэтгэлийн концерт, эрдэм шинжилгээний илтгэл, соёл, урлагийн тоглолт болно.
12 дугаар сарын 15-нд: Баянхонгор аймагт “INVEST BAYANKHONGOR: Хөрөнгө оруулалтын чуулган”-ыг зохион байгуулна.
