.png){kind=logo}
PMGC 2023 CHAMPIONS "IHC ESPORTS"
2023 оны дэлхийн аварга "IHC ESPORTS"
Өчигдөр /2023.12.10/ Монгол Улсын И спортын түүхнээ дахин нэг шинэ хуудсыг Монголын IHC Esports баг бүтээлээ. Тэртээ 3 жилийн өмнө 3 дугаар байраар тэмцээнээ өндөрлүүлж байсан бол энэ удаа тэд Дэлхийн аварга цолыг өөрсдийн болгож чадлаа. Тэд Last Chance шатнаас шалгарч дэлхийн аварга хүртэл ялалт байгуулж үнэхээр гайхамшигтай тоглолтыг үзүүлэв.
PUBG Mobile-ын дэлхийн аварга шалгаруулах тэмцээн өндөрлөхөд Монголын IHC Esports баг анх удаа аваргын цомыг өргөлөө.
PUBG Mobile-ын дэлхийн аварга шалгаруулах тэмцээн буюу "PUBG Mobile Global Championship 2023" Туркийн Истанбул хотод болсон байна.
Дэлхийн хамгийн шилдэг 16 баг тоглосон "Grand Final" шат гурван өдөр үргэлжилсэн бөгөөд финалд Монголын гурван баг тоглосноос "IHC Esports" баг ийнхүү түрүүллээ. Багууд гурван өдрийн турш нийт 18 "map" тоглоход "IHC Esports" 142 оноотой аваргалж, Монголын "Stalwart Esports" баг 138 оноогоор дэд байр, "4Merical Vibes" баг 127 оноотой 4 дүгээр байрт шалгарав. Финалын MVP-ээр /шилдэг тоглогч/ "IHC Esports" багийн Zyol буюу Б.Золбоот шалгарав.
Тэмцээний нийт шагналын сан 3 сая ам.доллар байгаа нь PUBG Mobile-ын энэ оны хамгийн том тэмцээн болгож байгаа аж.
2023 оны дэлхийн аваргын ДЭД БАЙР "STALWART ESPORTS"
Монгол Улсаас дэлхийн аварга шалгаруулах тэмцээний эхний дөрвөн байрын гурван байрыг өөрсдийн болгож чадсанаар түүхэн амжилтын эзэд боллоо. Тэртээ 8 зууны өмнө буюу 13 дугаар зуунд Дэлхийг талыг эзэлж байсан шиг бид 21 дүгээр зуунд PUBG Mobile-ийг эзэгнэж чадлаа.
2023 оны дэлхийн аварга 4-р байр "4MERCAL VIBES"
Тэд анхны дэлхийн аварга байсан бөгөөд энэ удаа 4 дүгээр байраар тэмцээнээ амжилттай өндөрлүүлээ.
Мөн финалын MVP тоглогчоор IHC Esports багийн тоглогч Zyoll тодорлоо. Тэрээр нийт 7616 damage-ийг Grand Final шатны тоглолтуудад үзүүлжээ.
Эх сурвалж: Pani
