.png){kind=logo}
Өнөөдөр буюу 2024 оны нэгдүгээр сарын 12-ны Баасан /Гэгээн/ гарагт болох зарим үйл явдлыг тоймлон танилцуулж байна.
10.00 цагт Төрийн ордонд: УИХ-ын чуулганы нэгдсэн хуралдаан болно.
11.00 цагт УЦУОШГ-т: БОАЖЯ-ны ээлжит хэвлэлийн бага хурлаар Мазаалайн олон улсын наадам болон мөсөн хотхоны талаар мэдээлнэ. Мөн 1-4-р сард болох өвлийн аялал жуулчлалын үндэсний болон олон улсын эвент үйл ажиллагааг танилцуулна. Утас: 8803-8882.
11.00 цагт “Монгол ньюс” мэдээллийн төвд: Иргэний зориг-ногоон нам (ИЗНН)-аас мэдээлэл хийнэ.
11.30 цагт “Зууны мэдээ” сонины Мэдээллийн төвд: “Алтан хан буриад зон” тоглолтын талаар мэдээлнэ.
12.30 цагт “Зууны мэдээ” сонины Мэдээллийн төвд: АН-ын гишүүд Хөрөнгө оруулалтын хуулийг дэмжиж буйгаа илэрхийлж, эсрэг байр суурьтай байгаа Х.Баттулга, Лу.Гантөмөр тэргүүтэй хүмүүсийг АН-ын удирдлагаас огцруулах талаар хэвлэлийн бага хурал зарлажээ.
13.00 цагт "Могул" тауэрт: “Шинэ” намын удирдлагууд цаг үеийн асуудлаар мэдээлэл хийнэ.
14.00 цагт ОБЕГ-т: УОК-ын Шуурхай штабаас өвөлжилтийн нөхцөл байдлын талаар Монгол Улсад суугаа гадаад улс орны ЭСЯ болон олон улсын байгууллагын удирдлагуудтай хамтран ажиллах уулзалт зохион байгуулна. Утас:86150069
14.00 цагт Монголын Архитекторуудын эвлэлийн ордонд: Архитектор Б.Адьяагийн “Монголын үндэсний архитектурын дурсгал судлал” номын нээлт болж, номын дээжийг Монголын Архитекторуудын эвлэлийн номын санд гардуулна.
Монголын уран зургийн галерейд: "Монголын сайхан бичигтэн-2023“ олон улсын уралдааны үзэсгэлэн гарч байна. Үзэсгэлэн 1 дүгээр сарын 16-ны өдрийг дуустал үргэлжилнэ.
Үндэсний төв номын санд: “Богд хаан ба олноо өргөгдсөн Монгол” болон “Тулгар сурвалж, бичиг ном судар, гэрэл зургийн үзэсгэлэн 2 дугаар сарын 23 хүртэл үргэлжлэн гарч байна.
