.png){kind=logo}
Мэргэжлийн сумогийн 2024 оны анхны буюу Хацү башёгийн эхний өдрийн барилдаан Токио хотын Рёогокү Кокүгикан ордонд /2023.01.14/ болж 3 башё өнжөөд байсан Ёкозүна /73 дахь Их аварга/ Тэрүнофүжи Г.Ган-Эрдэнэ, Комүсүби Ура-тай учраа тааран барилдаж, түүнийг ошидаши мэхээр хаяж башёг даваагаар эхлүүллээ.
Энэ өдөр Озэки Хошёорюү С.Бямбасүрэн, Атамифүжи /М-1/-тэй таарч барилдан түүнийг ёрикири мэхээр давснаар 1 даваатай боллоо.
Харин Озэки Киришима Б.Лхагвасүрэн энэ өдөр Вакамотохару / М-1/-тай учраа тааран барилдаж, түүнийг хикиотоши мэхээр хаяснаар 1 даваатай башёг үргэлжлүүлж байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-10/, Саданоүми /М-10/-тэй барилдан түүнд окүридаши мэхээр унаснаар башёг 1 унаатай эхлүүлээд байна. Түүнчлэн Хокүсейхо Э.Даваанинж /M-8/, Хирадоүми/М-8/-тэй таарч барилдан түүнд ёрикири мэхээр ойчиж мөн 1 унаатай башёг эхлүүлж байна.
Озэки Такакейшо энэ өдөр Мидорифүжи/М-2/-тэй таарч барилдан ошидаши мэхээр хаяж башёг даваагаар эхлүүлж байна
