.png){kind=logo}
Мэргэжлийн сумогийн 2024 оны анхны башё буюу Хацү башёгийн 2 дахь өдрийн барилдаан Токио хотын Рёогокү Кокүгикан ордонд /2023.01.15/ болж 3 башё өнжөөд байсан Ёкозүна /73 дахь Их аварга/ Тэрүнофүжи Г.Ган-Эрдэнэ, Вакамотохару/М-1/-тай учраа тааран барилдаж, түүнд ёрикири мэхээр унаж 1 даваа, 1 унаатай болов.
Энэ өдөр Озэки Хошёорюү С.Бямбасүрэн, Мидорифүжи /М-2/-тэй таарч барилдан түүнийг ошидаши мэхээр давснаар 2 даваатай боллоо.
Харин Озэки Киришима Б.Лхагвасүрэн энэ өдөр Комүсүби Такаясү-тэй учраа тааран барилдаж, түүнийг ошидаши мэхээр хаяснаар 2 даваатай башёг үргэлжлүүлж байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-10/, Охо /М-11/-тэй барилдан түүнийг ошидаши мэхээр давснаар энэ башёг 1 даваа, 1 унаатай үргэлжлүүлж явна. Түүнчлэн Хокүсейхо Э.Даваанинж /M-8/, Мэйсeй/М-9/-тэй таарч барилдан түүнийг уватэнагe мэхээр давж 1 даваа, 1 унаатай башёг үргэлжлүүлж байна.
Озэки Такакейшо энэ өдөр Атамифүжи/М-1/-тэй таарч барилдан түүнд ёрикири мэхээр хаяж башёг 2 даваатай үргэлжлүүлж байна.
