.png){kind=logo}
Өнөөдөр буюу 2024 оны 4 дүгээр сарын 23-ны Мягмар /Өлзийт/ гарагт болох зарим үйл явдлыг тоймлон танилцуулж байна.
УИХ-ын дарга Г.Занданшатарын урилгаар Киргиз улсын парламентын дарга Нурланбек Шакиевын Монгол Улсад хийх албан ёсны айлчлал эхэлнэ.
09.00-14.00 цагт Өмнөговь аймгийн Ханбогд суманд: Монголын Гидрогеологи, Геоэкологийн холбоо, орон нутгийн засаг захиргаа, “Оюу толгой” компани, Гурван талт зөвлөл хамтран "Гүнээсээ хайрлая! Усны чуулган” зохион байгуулна.
10.00 цагт Төрийн ордонд: УИХ-ын ажлын хэсэг, байнгын болон түр хороо хуралдана.
12.00 цагт УДБЭТ-д: Шинэ уран бүтээл Г.Доницеттийн “Дурлалын ундаа” дэлхийн сонгодог дуурийн талаар хэвлэлийн бага хурал болно.
14.00 цагт Төрийн ордонд: Эмийн үнийн өсөлтийн шалтгаан, нөхцөлийг хянан шалгах Түр хорооны сонсголын тайлан, санал дүгнэлтийг хэлэлцэнэ.
Нийгмийн даатгалын ерөнхий газрынхан иргэдтэй харилцах олон нийтийн “11-11” төвд ажиллаж байна.
МҮЭСТО-д: "Тогтвортой хөгжил-Ногоон ирээдүй" үзэсгэлэн худалдаа 4 дүгээр сарын 28 хүртэл гарч байна.
Улаанбаатар хотноо: Өнөөдөр Олон улсын бүжигчдийн тэмцээн сонгодог урлагийн бүжгээр эхэлнэ.
Монголын Уран зургийн галерейд: Шүтээн зургийн “Урлахуй, шүтэхүй, гэгээрэхүй” үзэсгэлэн 5-р сарын 1 хүртэл үргэлжлэн гарч байна. Үзэсгэлэнгийн үеэр олон нийтэд зориулсан эрдэм шинжилгээний лекц зохион байгуулж байна.
