.png){kind=logo}
Японы Токио хотноо болж буй мэргэжлийн сумо бөхийн 2024 оны Зуны буюу Нацү башёгийн 14 дэх өдөр /2023.05.25/ Озэки Хошёорюү С.Бямбасүрэн, Оошёома П.Дэлгэрбаяр/М-14/-тай таарч барилдан түүнийг ёрикири мэхээр хаяж 10 даваа, 4 унаатай болоод байна.
Котозакура нэрээр барилдах болсон Озэки Котоновака, Сэкиваке Аби-тай учраа таарч барилдан түүнд ошидаши мэхээр унаснаар тэд адилхан 4 унаа, 10 даваатай боллоо.
Комүсүби Оносато энэ өдөр Шонанноүми /М-10/-тэй таарч барилдан түүнийг ошидаши мэхээр хаяж 11 даваа, 3 унаатай башёг тун амжилттай үргэлжлүүлж байна.
Мөн энэ өдөр Тамаваши Б.Мөнх-Оргил /М-9/, Чураноүми /М-13/-тэй учраа тааран барилдаж түүнийг ошидаши мэхээр хаяж 7 даваа, 7 унаатай болоод байна.
Энэ өдөр Дайэйшо/М-1/, Такаясү/М-3/-тэй учраа тааран барилдаж түүнийг ошидаши мэхээр хаяснаар 10 даваа, 4 унаатай башёг үргэлжлүүлж байна.
