.png){kind=logo}
Өнөөдөр буюу 2024 оны 8 дугаар сарын 05-ны Даваа /Саран/ гарагт болох зарим үйл явдлыг тоймлон танилцуулж байна.
Өнөөдөр Парис хотод: "Парис-2024" Олимпын сонгомол болон чөлөөт бөхийн барилдаан эхэлнэ. Монголын шигшээ багийн хувьд эмэгтэйчүүдийн 68 кг жинд Э.Дэлгэрмаагийн барилдаанаар эхэлнэ.
09:00 цагт Эрдмийн их сургуульд: “Олон улсын залуу монгол судлаачдын зуны сургууль-2024”-ийн нээлтийн ёслол болно.
10:00 цагт ГХЯ-нд: Филиппин Улсын Гадаад хэргийн сайд Энрикэ А.Манало, Гадаад харилцааны сайд Б.Батцэцэг нар албан ёсны хэлэлцээ хийнэ.
11:10 цагт: Гадаад харилцааны сайд Б.Батцэцэг, Филиппин Улсын Гадаад хэргийн сайд Энрикэ А.Манало нар албан ёсны баримт бичигт гарын үсэг зурах ёслолын ажиллагаанд оролцоно.
11:20 цагт: Гадаад харилцааны сайд Б.Батцэцэг, Филиппин Улсын Гадаад хэргийн сайд Энрикэ А.Манало нар хэвлэл, мэдээллийн төлөөлөгчдөд мэдээлэл хийнэ.
11:00 цагт: Төв шууданд: Цахим хөгжил, инновац, харилцаа холбооны яам, Боловсролын ерөнхий газраас 2024-2025 оны хичээлийн жилд нийслэлийн цэцэрлэгт хамрагдах хүүхдүүдийн хүсэлтийг E-Mongolia системээр авч эхэлсэн талаар мэдээлнэ.
13:30 цагт МҮХАҮТ-д: Хамтарсан Засгийн газрын 2024-2028 оны үйл ажиллагааны хөтөлбөрт хувийн хэвшлийн төлөөлөл, мэргэжлийн холбоодын саналыг тусгах хэлэлцүүлэг болно. Утас: 9910-7371, 9903-4043.
14:00 цагт Төв цэнгэлдэх хүрээлэнд: "Харанга" хамтлагийн 35 жилийн ойд зориулсан "Амьдрал" амьд хөгжмийн наадмын хэвлэлийн бага хурал зарлажээ. Утас: 8893-7492.
