.png){kind=logo}
Аргын тооллын 2024 оны 8 дугаар сарын 11.Ням /Наран/ гараг. Билгийн тооллын XVII жарны “Хилэнт эх” хэмээгч модон луу жилийн Намрын тэргүүн хар бич сарын шинийн 7, Адъяа /Наран/ гараг. Салхины эх одтой, Гурван хөх мэнгэтэй, улаагчин хонь өдөр.
Өдрийн наран 05 цаг 42 минутад мандаж, 20 цаг 12 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн.
Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу.
Өдрийн сайн цаг нь бар, туулай, могой бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромгүй. Модон хохимой өдөр.
