.png){kind=logo}
Өнөөдөр буюу 2024 оны 09 дүгээр сарын 11-ний Лхагва /Үлэмж/ гарагт болох зарим үйл явдлыг тоймлон танилцуулж байна.
8:30-11:30 цагт Монголбанкны Г байрны хурлын танхимд: "Төрөөс мөнгөний бодлогын талаар 2025 онд баримтлах Үндсэн чиглэлийн төсөл"-ийг төр засгийн төлөөлөл, эдийн засагчид, олон улсын байгууллага, судлаачдад танилцуулах хэлэлцүүлэг болно.
11:40 цагт Интерном-д: "Нүүдлээр нутаглах ухаан" уламжлалт нүүдлийн 10 хэв шинжийг харуулсан, судалгаа, дэлгэрэнгүй тайлбартай монгол, англи хэлээр хэвлэсэн гэрэл зургийн цомгийг нээнэ.
Төрийн ордонд: Засгийн газрын ээлжит хуралдаан болно.
Сонгуулийн ерөнхий хорооны байранд: Аймаг, нийслэл, сум, дүүргийн ИТХ-ын сонгуулийн тухай хууль, тогтоомжийн онцлох зохицуулалт, сурталчилгаа болон 2024 оны ээлжит сонгуулийн үйл ажиллагааны зохион байгуулалтын талаар сэтгүүлчдэд зориулсан сургалт болно.
Чингис хаан Үндэсний музейд: Халх голын ялалтын 85 жилийн ойд зориулсан “Халх гол-85 жил” үзэсгэлэн энэ сарын 16-ныг хүртэл үргэлжилнэ.
“Сэтгэлийн хат–өөрчлөлтөд хөтөлсөн эмэгтэйчүүдийн түүх” гэрэл зургийн үзэсгэлэн энэ сарын 18-ныг хүртэл үргэлжилнэ.
Чингис хаан Үндэсний музейд: “Дэлхийн эмэгтэйчүүдийн чуулга уулзалт”-ын хүрээнд зохион байгуулж буй “Манлайллын 17 төрх” гэрэл зургийн үзэсгэлэн есдүгээр сарын 22-ныг хүртэл үргэлжилнэ.
Монголын Үндэсний музейд: "Цайны их зам" үзэсгэлэн 10 дугаар сарын 3-ныг хүртэл үргэлжилнэ.
