“Нэр томьёо ба шинжлэх ухаан технологийн хөгжил–2024” эрдэм шинжилгээний хурал болно

Өнөөдөр буюу 2024 оны 09 дүгээр сарын 13-ны Баасан /Гэгээн/ гарагт болох зарим үйл явдлыг тоймлон танилцуулж байна.

9:00 цагт Төрийн ордонд: Монгол Улсын Ерөнхийлөгч У.Хүрэлсүхийн ивээл дор зохион байгуулж буй Улсын нэр томьёоны комисс байгуулагдсаны 100 жилийн ойд зориулсан “Нэр томьёо ба шинжлэх ухаан технологийн хөгжил–2024” олон улсын эрдэм шинжилгээний хурал болно.

9:00 цагт Их засаг сургуулийн баруун талд Наран авто худалдааны төвд: Паралимпын аварга, Хөдөлмөрийн баатар У.Сүрэнжав, Таеквондогийн үндсэний шигшээ багийн дасгалжуулагч Н.Эрдэнэбаатарт TOYOTA SIENTA автомашин, мөнгөн урамшуулал гардуулах ёслол болно. Утас: 98000307

11:00 цагт Төрийн ордны "Сүхбаатар" танхимд: Улсын Бага Хурлын гишүүд уулзана.

11:00 цагт “Монгол ньюс” мэдээллийн төвд: Уул уурхайн бүтээгдэхүүний биржийн арилжаанд хувийн хэвшлийн оролцоо, хяналт алдагдсан талаар брокерын компаниуд хамтарсан мэдэгдэл хийнэ.

13:00 цагт: СЕХ номын баярт оролцож, "Сонгох өдөр"-ийн хүрээнд аймаг, нийслэл, сум, дүүргийн ИТХ-ын ээлжит сонгуулийн зохион байгуулалт, саналын хуудас танилцуулна. Утас: 99122141

Д.Сүхбаатарын талбайд: Ерөнхийлөгч У.Хүрэлсүхийн ивээл дор зохион байгуулах 36 дахь удаагийн Номын баяр болно.

СЕХ-ны байранд: Аймаг, нийслэл, сум, дүүргийн ИТХ-ын сонгуулийн тухай хууль, тогтоомжийн онцлох зохицуулалт, сурталчилгаа болон 2024 оны ээлжит сонгуулийн үйл ажиллагааны зохион байгуулалтын талаар сэтгүүлчдэд зориулсан сургалт болно.

Монголын уран зургийн галерейд: МУУГЗ, сийлбэрийн урлагийн нэрт мастер С.Сэнгээ агсны 100 жилийн ойд зориулсан “Урлахуйн гайхамшиг” тусгай үзэсгэлэн 9 дүгээр сарын 11-15-нд гарч байна

Чингис хаан Үндэсний музейд: Халх голын ялалтын 85 жилийн ойд зориулсан “Халх гол-85 жил” үзэсгэлэн энэ сарын 16-ныг хүртэл үргэлжилнэ.

“Сэтгэлийн хат–өөрчлөлтөд хөтөлсөн эмэгтэйчүүдийн түүх” гэрэл зургийн үзэсгэлэн энэ сарын 18-ныг хүртэл үргэлжилнэ.

Чингис хаан Үндэсний музейд: “Дэлхийн эмэгтэйчүүдийн чуулга уулзалт”-ын хүрээнд зохион байгуулж буй “Манлайллын 17 төрх” гэрэл зургийн үзэсгэлэн есдүгээр сарын 22-ныг хүртэл үргэлжилнэ.

Монголын Үндэсний музейд: "Цайны их зам" үзэсгэлэн 10 дугаар сарын 3-ныг хүртэл үргэлжилнэ.

Өмнөговь аймгийн Даланзадгад хотод: "Цөлжилтийн эсрэг ногоон ирээдүй" олон улсын эрдэм шинжилгээний хурал болно.