.png){kind=logo}
Токио хотноо үргэлжилж байгаа мэргэжлийн сумо бөхийн Аки башё буюу намрын тэмцээний 12 дахь өдөр Сэкиваке Оносато, Вакатакакаге /М-7/-той учраа тааран барилдаж түүнд ошидаши мэхээр унаснаар 11 даваа, 1 унаатай боллоо. Харин Вакатакакаге /М-7/ 9 даваа, 3 унаатай башёг үргэлжлүүлж явна.
Озэки Хошёорюү С.Бямбасүрэн, Секиваке Аби-тэй Ура /М-5/-тай таарч барилдан түүнд ёритаоши мэхээр унаснаар 6 даваа, 6 унаатай болоод байна.
Харин энэ өдөр Озэки Котозакура, Сэкивакэ Киришима Б.Лхагвасүрэнтэй учраа таарч барилдан түүнд хатакикоми мэхээр унаснаар 7 даваа, 5 унаатай болоод байгаа бол Киришима 10 даваа, 2 унаатай башёг үргэлжлүүлж байна.
Хамгийн ахмад сумочдын нэг Тамаваши Б.Мөнх-Оргил /М-10/, Онокацү Б.Чойжилсүрэн /М-14/-тэй учраа тааран барилдаж түүнийг ошидаши мэхээр давж 6 даваа, 6 унаатай болов. Харин Онокацү 4 даваа, 8 унаатай башёг үргэлжлүүлж байна.
Энэ өдөр Ошома П.Дэлгэрбаяр /М-9/, Гонояама /М-6/-тай таарч барилдан түүнд цүкидаши мэхээр ойчиж 8 даваа, 4 унаатай болоод байна.
Комүсүби Дайэйшёо, Нишигики /М-13/-тэй барилдаж түүнийг цүкидаши мэхээр давснаар 7 даваа, 5 унаатай болов.
Комүсүби Хирадоүми, Такаясү /М-15/-тэй барилдаж түүнд цүкидаши мэхээр унаснаар 6 даваа, 5 унаатай болоод байгаа бол Такаясү 10 даваа, 2 унаатай башёг үргэлжлүүлж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!