.png){kind=logo}
Өнөөдөр буюу 2024 оны 9 дүгээр сарын 26-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
9:00 цагт Төрийн ордонд: УИХ-аас Монгол Улсын 2025 оны төсвийн төсөлд тусгасан “Хөгжлийн бүтээн байгуулалтын онцлох төслүүд”-ийн талаарх олон нийтийн хэлэлцүүлэг болно.
9:00-11:00 цагт Монголбанкны Г байранд: "Төрөөс мөнгөний бодлогын талаар 2025 онд баримтлах Үндсэн чиглэлийн төсөл"-ийг сэтгүүлчид, хэвлэл мэдээллийн байгууллагын ажилтнуудад танилцуулах нээлттэй хэлэлцүүлэг болно.
10:00 цагт Чингис зочид буудалд: АНУ, Японы багш нар робот мэс заслын талаар сонирхолтой лекц болно. Утас: 99015787
14:00 цагт Төрийн ордонд: УИХ-аас “Эрүүл мэндийн салбарын 2025 оны төсөв”-ийн төслийн талаар олон нийтийн хэлэлцүүлгийг зохион байгуулна.
14:00 цагт “STEPPE ARENA” мөсөн ордонд: “Дэлхийн цирк Монголд-2024” тоглолтын хэвлэлийн бага хурлыг зохион байгуулна. Утас: 91399149
15:00-16:30 цагт МУИС-ийн төв байрны дугуй танхимд: Хятадын нэрт зохиолч Лиү Жэньюань “Хятадын өнөө үеийн утга зохиолын хөгжлийн хандлага” лекц, уулзалт болно.
Төв цэнгэлдэх хүрээлэнд: “Намрын ногоон өдрүүд-Үндэсний үйлдвэрлэл-2024” энэ сарын 29 хүртэл үргэлжилнэ.
Монгол Улсад аялал жуулчлалын салбар байгуулагдсаны 70 жилийн ой, дэлхийн аялал жуулчлалын өдрийг угтан 22 дахь удаагаа зохиогдож буй "ГРАНД ТУР-2024" аялал жуулчлалын Улсын XXII олимпиадын намрын улирлын тэмцээн энэ сарын 25-27-нд болж байна.
"Мишээл экспо"-гийн үзэсгэлэнгийн танхимд: Монголын Аялал Жуулчлалын Холбоо “АйТиЭм” олон улсын аялал жуулчлалын үзэсгэлэнг 1999 оноос хойш 25 дахь жилдээ буюу энэ сарын 25-27-нд зохион байгуулж байна.
Чингис хаан Үндэсний музейд: Эрүүгийн цагдаагийн албанаас шүүхээр эцэслэн шийдсэн хэрэгт эд мөрийн баримтаар хурааж, шинжээчийн дүгнэлтээр түүх, соёлын дурсгалт биет өв болох нь тогтоогдсон эд өлгийн зүйлсээр “Аврагдсан өв” тусгай үзэсгэлэнг энэ сарын 25-27-нд зохион байгуулж, олон нийтэд танилцуулж байна.
“Найрамдлын 75 жил” гэрэл зургийн үзэсгэлэн энэ сарын 27 хүртэл үргэлжилнэ.
Монголын Үндэсний музейд: "Цайны их зам" үзэсгэлэн 10 дугаар сарын 3-ныг хүртэл үргэлжилнэ.
