.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 6 дахь өдрийн /2023.03.19/ барилдааны тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, Котоеко /М-13/-той учраа тааран барилдаж, түүнийг хариманаге мэхээр давж 5 даваа, 3 унаатай башёг үргэлжлүүлж байна.
Миторюү М.Төрболд /М-17/ энэ өдөр Дайшохо /М-13/-той таарч барилдан, түүнд уватэнаге мэхээр ойчиж 5 унаа, 3 даваатай болов
Энэ өдөр Чиёошома Г.Мөнхсайхан /М-16/, Кинбозан/М-14/-тэй таарч барилдан түүнд цүридаши мэхээр унаснаар 3 унаа 5 даваатай байна.
Азүмарюү С.Тодбилэг /М-11/ энэ өдөр Бүшозан /М-14/-тэй таарч барилдан, түүнд цүкиотоши мэхээр унаснаар нэг ч даваагүй 8 унаатай амжилт тааруу явна.
Мэргэжлийн сумо бөхийн хаврын тэмцээний 8 дахь өдөр /2023.03.19/ ахмад бөх Тамаваши Б.Мөнх-Оргил /М-1/, Комүсүби Котоновака-тай таарч барилдан түүнд ёритаоши мэхээр ойчиж энэ башёг ганц даваа, 7 унаатай үргэлжлүүлж явна.
Энэ өдөр Секивакэ Кирибаяама Б.Лхагвасүрэн Комүсүби Тобизарюү-тай учраа таарч түүнийг уватэнаге мэхээр давснаар 5 даваа, 3 унаатай боллоо.
Харин Сэкиваке Хошёорюү С.Бямбасүрэн Митакэүми /М-2/-тэй учраа таарч, түүнийг ёрикири мэхээр давснаар 3 унаа, 5 даваатай болоод байна.
Энэ башёг тэргүүлж яваа Мидорифүжи /М-5/ Аойяама /М-9/-тай учраа таарч барилдан түүнийг ёрикири мэхээр давснаар 8 даваатай болж энэ башёг ганцаараа тэргүүлж байна.
