.png){kind=logo}
Өсвөр, залуучуудын 2024 оны 100 буудалт даамын дэлхийн аварга шалгаруулах тэмцээнээс Монголын баг тамирчид 4 алт, 2 мөнгө, 2 хүрэл медаль хүртсэн бахдам амжилт үзүүллээ.
Польш улсын Шкалярска Пореба хотноо 2024 оны 10 дугаар сарын 25-наас 11 дүгээр сарын 02-ны өдрүүдэд зохион байгуулагдаж, тэмцээний үндсэн төрөл 6 өдөр үргэлжилж дүнгээ гаргахад манай тамирчид 4 алтан мелаль, 2 мөнгөн медаль, 2 хүрэл медаль хүртэж багийн дүнгээр гурав дахь жилдээ аваргалсан сайхан амжилт үзүүлээд байна.
Тодруулбал, Б.Оюун-Үжин, Г.Дэлгэрмаа, Б.Тамир, Б.Алтанхүү нар алтан медалийн эзэд болж З.Отгонсүрэн, Б.Алтан -Эрдэнэ нар мөнгөн медаль, Д.Ангараг, Н.Түвшинбаяр нар хүрэл медаль тус тус хүртсэн байна.
