.png){kind=logo}
Японы мэргэжлийн сумо бөхийн Кюүшюү башёгийн 12 дахь өдрийн /2024.11.21/ барилдаанд Озэки Хошёорюү С.Бямбасүрэн, Комүсүби Шодай таарч барилдан түүнийг ёрикири мэхээр давснаар 11 даваа, 1 унаатай болоод байна.
Харин энэ өдөр Озэки Котозакүра, Сэкиваке Дайэйшёо-той барилдаж түүнийг ошидаши мэхээр давснаар 11 даваа, 1 унаатай болов.
Энэ башёгоос Озэки цолтой барилдаж байгаа Оносато, Такеруфүжи /М-16/-тэй учраа тааран барилдаж түүнийг ошидаши мэхээр давснаар тэд адилхан 4 унаа, 8 даваатай болоод байна.
Энэ өдөр Сэкивакэ Киришима Б.Лхагвасүрэн, Таканошо /М-6/-той учраа тааран барилдаж, түүнийг ошидаши мэхээр давснаар 6 даваа, 6 унаатай башёг үргэлжлүүлж байна. Таканошо 2 унаа, 10 даваатай боллоо.
Комүсүби Вакамотохару, Тобизарюү /М-5/-тэй учраа тааран барилдаж түүнийг ошидаши мэхээр хаяж 7 даваатай болсон бол Тобизарюү 6 даваа, 6 унаатай байна.
Атамифүжи /М-3/, энэ өдөр Хиродоүми /М-1/-тэй таарч барилдан түүнийг цүкиотоши мэхээр давснаар 6 даваа, 6 унаатай болоод байна. Харин Хиродоүми 1 даваа, 11 унаатай болов.
Ошома П.Дэлгэрбаяр /М-4/ өнөөдөр Ура /М-2/-тай учраа таарч түүнд хикиотоши мэхээр унаснаар 3 даваа, 9 унаатай болж байна.
Онокацү Батжаргалын Чойжилсүрэн /М-15/, өдөр Рога А.Амарсанаа /М-8/-тай учраа тааран барилдаж түүнд ёрикири мэхээр унаснаар 8 даваа, 4 унаатай болоод байна. Харин А.Амарсанаа 5 даваа, 7 унаатай явна.
Тамаваши Б.Мөнх-Оргил /М-11/ өнөөдөр Шиши /М-16/-тэй таарч барилдан түүнийг ошидаши мэхээр давснаар 7 даваа, 5 унаатай боллоо.
Чиёошома Г.Мөнхсайхан/М-14/, Мидорифүжи/М-9/-тэй энэ өдөр хүч үзэж түүнийг ошидаши мэхээр хаяж 8 даваа, 4 унаатай башёг үргэлжлүүлж байна.
Вакатакакаге /М-2/, Аби /М-3/-тэй энэ өдөр учраа таарч түүнд ошидаши мэхээр унаснаар 4 унаа, 8 даваатай болж, харин Аби 9 даваа, 3 унаатай болоод байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!