.png){kind=logo}
БНХАУ-ын Шямэнь хотод 3х3 сагсан бөмбөгийн Оюутны дэлхийн аварга шалгаруулах тэмцээн 11 дүгээр сарын 22-24-нд болов.
Тэмцээнд манай улсаас гавьяат дасгалжуулагч С.Тулгын удирдлага дор оролцсон “Мон-Алтиус” дээд сургуулийн баг хүрэл медаль хүртлээ. Монгол Улсын багийн бүрэлдэхүүнд А.Батхуяг, Б.Алтангэрэл, У.Чингүүн, Л.Авирмэд нар оролцсон бөгөөд тэд медальд хүрэх замдаа Уганда, Эквадор, БНХАУ-ын багийг хожсон байна.
Монголын баг тус тэмцээний иж бүрдэл медальтай болж байгаа бөгөөд ирэх оны 7 дугаар сард Герман улсад болох Дэлхийн оюутны Универсиад наадамд оролцох эрхтэй болжээ.
