.png){kind=logo}
Өсвөр үеийн 2024 оны дэлхийн аварга, 17 настай, 2 дугаар дунд сургуулийн сурагч Тэрбишийн .Ариунзаяа “Токио-2024” Их дуулга тэмцээний эмэгтэйчүүдийн 57 кг жинд амжилттай барилдаж хүрэл медаль хүртлээ.
Жүдо бөхийн “Гүрү Дожо” клубийн тамирчин Т.Ариунзаяа барилдсан эхний тойрогт Азийн залуучуудын АШТ-ий хүрэл мeдальт Казахстаны Дана Абдироваг, 2 дугаар тойрогт “Абу Даби-2024" Их дуулга” тэмцээний мөнгөн медальт Зуeва Иринаг тус тус ялсан. Улмаар “В” хэсгийн аваргын төлөө барилдах эрхтэй болж эзэн орны тамирчин Фүчида Мэгүми"тай хүч үзэж үнэлгээ алдаагүй ч торгуулиар ялагдлаа.
Т.Ариунзаяа дагах барилдаанд “Токио-2023" Их дуулга” тэмцээний мөнгөн медальт Бразилын Жeссика Лимаг ялж, хүрэл медалийн төлөө барилдах эрхтэй болсон. Улмаар хүрэл медалийн төлөө ДАШТ-ий мөнгө, хүрэл медальт, Азийн наадмын алт, мөнгөн медальт Японы тамирчин Момо Тамаокиг нэмэлт цагт базари үнэлгээгээр ялж “Токио-2024” Их дуулга тэмцээнээс хүрэл медаль хүртсэн амжилтаар насанд хүрэгчдийн Гранд слам ангиллаас анхны мeдалиа гардлаа.
Түнчлэн Ариунзаяа 2028 он хүртэлх олимпын мөчлөгийг нээж Монголын жүдо бөхийн тамирчдын анхдагч мeдалийн эзэн болов.
“Токио-2023" Их дуулга” тэмцээний эхний өдөр эрэгтэйчүүдийн 60, 66, 73 кг, эмэгтэйчүүдийн 48, 52, 57, 63 кг жингийн барилдаанууд болж Японы шигшээ баг 7 алт, 7 мөнгө, 8 хүрэл медальтай багийн дүнгээр тасархай тэргүүлж байгаа бол Монголын шигшээ баг 1 хүрэл, 4 жүдоч шагналт 5 дугаар байр эзэлсэн амжилтаар 2 дугаар байр эзэлж байна. “Токио-2024” Их дуулгад 5 дугаар байрт шалгарсан монгол тамирчид: Эрэгтэй 60 кг-д К.Ёолк, 66 кг-д Ё.Басхүү, эмэгтэй 48 кг-д Ж.Анударь, 52 кг-д Л.Сосорбарам
Өнөөдөр Монголын шигшээ багаас эрэгтэй 81 кг-д О.Шинэбаяр, -100 кг-д А.Энхбаяр, +100 кг-д Ө.Пэрэнлэйжамц, эмэгтэй 70 кг-д Д.Есүй, -78 кг-д О.Хүслэн, +78 кг-д А.Адьяасүрэн, Д.Номинзул нар хүчээ сорин барилдана.
