.png){kind=logo}
Мэргэжлийн сүмо бөхийн 7 дугаар сарын тэмцээн буюу Нагоя башё IG аренад 13 дахь өдрөө үргэлжилж /2025.07.25/ байна.
Их аварга Ооносато энэ өдрийн барилдаанд Котошёохо /М-15/-той хүчээ сорьж түүнд уватэнаге мэхээр унаснаар Ооносато 9 даваа 4 унаатай болсон бол Котошёохо 11 даваа, 2 унаатай Аонишикигийн хамт энэ башёг тэргүүлж байна.
Озэки Котозакүра 13 дахь өдрийн барилдаанд Атамифүжи /М-10/-тэй таарч хүчээ сорин түүнд ёрикири мэхээр унаснаар 6 унаа, 7 даваатай болов. Атамифүжи 10 даваа, 3 унаатай байна.
Сэкивакэ Киришима Б.Лхагвасүрэн, Кусано /М-14/-тэй энэ өдөр барилдаж түүнд сотогаке мэхээр унаснаар 8 даваа, 5 унаатай болсон бол Кусано 10 даваа 3 унаатай байна.
Сэкиваке Вакатакакаге энэ өдөр Ура/М-9/-тай учраа таарч барилдан түүнийг ошитаоши мэхээр давснаар 9 даваа, 4 унаатай боллоо.
Комүсүби Ошёома П.Дэлгэрбаяр энэ өдөр Мэйсей /М-5/-тэй хүч үзэж түүнийг хатакикоми мэхээр давснаар 3 даваа, 10 унаатай боллоо.
Комүсүби Такаясү энэ өдөр Тамаваши /М-4/-тэй таарч барилдан түүнийг ошидаши мэхээр давснаар 9 даваа, 4 унаатай болж, харин Такаясү 8 даваа, 5 унаатай болоод байна.
Украины сүмоч Аонишики /М-1/ өнөөдөр Ичияамамото /М-8/-той хүч үзэж түүнийг ёрикири мэхээр давснаар 11 даваа, 2 унаатай болж, Ичияамамото 9 даваа, 3 унаатай башёг үргэлжлүүлж явна.
Онокацү Б.Чойжилсүрэн /М-3/ өнөөдөр Хирадоүми /М-5/-тай хүч үзэн барилдаж түүнд хатаккоми мэхээр унаснаар 5 даваа, 8 унаатай болоод байна.
Рога А.Амарсанаа /М-10/ энэ өдөр Митакэүми /М-16/-тэй хүч үзэн барилдаж түүнд уватэнаге мэхээр унаснаар 7 даваа, 6 унаатай болов.
Чиёошома Г.Мөнхсайхан /М-9/ Нагоя башёгийн 13 дахь өдрийн барилдаанд Шодай /М-13/-тай учраа тааран барилдаж түүнд ошидаши мэхээр унаснаар энэ башёд 1 даваа, 12 унаатай боллоо. Тэрбээр нуруундаа хүнд бэртэл авч хагалгаа хийлгээд удаагүй юм байна.
