.png){kind=logo}
Мэргэжлийн сүмо бөхийн Намрын Аки башёгийн Макүүчи зиндааны 12 дахь өдрийн барилдаан /2025.09.25/ Токио хотын Кокүгикан ордонд үргэлжилж Их аварга Хоошёорюү Украины сүмоч Комүсүби Аонишики-д өвдөг шороодлоо.
Их аварга Хоошёорюү Аки башёгийн 12 дахь өдөр и учраа тааран барилдаж түүнд кирикаеши мэхээр унаснаар 11 даваа, 1 унаатай болоод байна. Харин Аонишики 9 даваа, 3 унаатай болов.
Их аварга Ооносато энэ өдөр Сэкивакэ Киришима Б.Лхагвасүрэн-тэй хүчээ сорьж түүнийг ошидаши мэхээр хаяснаар 1 унаа, 11 даваатай болов. Харин Киришима 5 даваа, 7 унаатай болов.
Озэки Котозакүра энэ өдөр Таканошо /М-7/-той учраа таарч хүчээ сорин түүнд ошидаши мэхээр унаснаар 8 даваа, 4 унаатай башёг үргэлжлүүлж байна. Харин Таканошо 10 даваа, 2 унаатай болов.
Өнөөдөр Сэкиваке Вакатакакаге, Онокацү Б.Чойжилсүрэн /М-6/ учраа таарч барилдан түүнийг хатакикоми мэхээр давснаар 6 даваа, 6 унаатай болоод байна. Харин Онокацү 5 даваа, 7 унаатай болов.
Комүсүби Такаясү өнөөдөр Хирадоүми/М-4/-тэй учраа тааран барилдаж түүнийг ошитаоши мэхээр хаяж 4 даваатай болсон бол Хирадоүми 6 даваа, 6 унаатай башёг үргэлжлүүлж байна.
Тамаваши Б.Мөнх-Оргил /М-1/ энэ өдөр Хакүохо /М-2/-той учраа тааран барилдаж түүнийг ошидаши мэхээр хаяснаар 5 даваа, 7 унаатай боллоо. Харин Хакүохо 6 даваа, 6 унаатай байна.
Шодай /М-11/ энэ өдөр Рюүдэн /М-17/-тэй учраа тааран хүчээ сорин түүнд ёрикири мэхээр унаснаар тэд адилхан 9 даваа, 3 унаатай болов.
Аби/М-1/ энэ өдөр Гонояама/М-3/-тай таарч барилдан түүнд ошидаши мэхээр хаяснаар тэд адилхан 10 унаа, 2 даваатай боллоо. Харин Гонояама 1 даваа, 11 унаатай байна.
Охо /М-2/ өнөөдөр Вакамотохарү/М-5/-тэй учраа тааран барилдаж түүнд уватэнаге мэхээр унаснаар тэд адилхан 7 даваа 5 унаатай болов.
Өнөөдөр Ошёома П.Дэлгэрбаяр /М-7/ энэ өдөр Мэйсей /М-13/-тэй учраа таарч барилдан түүнийг хатакикоми мэхээр давснаар 8 даваа, 4 унаатай болоод байна.
Рога А.Амарсанаа /М-11/ өнөөдөр Хитоши /М-17/-тэй хүч үзэн барилдаж түүнийu ёрикири мэхээр хаяснаар 6 даваа, 6 унаатай болов.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!