.png){kind=logo}
Токио хотын Кокүгикан ордонд мэргэжлийн сүмо бөхийн 2026 оны анхны башё өнөөдөр буюу энэ сарын 11-нд эхэллээ.
Нацү башёгийн аварга бөхийг нэгдүгээр сарын 25-нд тодруулах тус тэмцээнд Макүүчи болон Жюүрёо зиндааны 70 бөх бүгд барилдахаар болжээ.
Их аварга Хоошёорюү зүүн өвдөгний үенд шингэн хуримтлагдан, бэлтгэл өнжөөд байсан ч барилдана. Өнгөрсөн тэмцээний сүүлийн өдөр зүүн мөрний хүнд гэмтлээр барилдаагүй Их аварга Ооносато ч Хацү башёд зодоглохоор болжээ.
Хацү башёгийн эхний өдрийн хамгийн эхний барилдааныг Макүүчид анх удаа дэвшин барилдаж байгаа Рагчаагийн Жамъянтогтох/М-17/, Хацүяама/М-17/-тай хийж түүнийг ошидаши мэхээр давснаар анхны даваагаа авлаа.
Рога А.Амарсанаа /М-9/ энэ өдөр Гонояама /М-9/-тэй хүч үзэн барилдаж түүнийг ошидаши мэхээр давж 1 даваатай болоод байна.
Чиёошома Г.Мөнхсайхан /М-11/ өнөөдөр Нишикифүжи/М-11/-тэй учраа тааран түүнд ошидаши мэхээр унаснаар энэ башёг унаагаар эхлүүлээд байна.
Ошёома П.Дэлгэрбаяр /М-7/ энэ өдөр Фүжинокава/М-7/-тай учраа тааран барилдаж түүнийг котэнаге мэхээр хаяснаар энэ башёг даваагаар эхлүүлэв.
Онокацү Б.Чойжилсүрэн /М-6/, Хирадоүми /М-6/-тэй таарч барилдан түүнд ёрикири мэхээр ойчиж энэ башёг унаагаар эхлүүлж байна.
Хамгийн ахмад сумоч Тамаваши Б.Мөнх-Оргил/М-5/ энэ өдөр Чураноүми/М-5/-тэй хүч үзэж түүнд шитатэдашинаге мэхээр унаж 1 унаатай болоод байна.
Комүсүби Охо энэ өдөр Хакүнофүжи/М-3/-тэй таарч барилдан түүнд уватэнаге мэхээр унаснаар Хакүохо нэрээ өөрчилж Хакүнофүжи нэртэй болсон түүнд 1 даваа өглөө.
Украины сүмоч Озэки Аонишики өнөөдөр Ура/М-2/-тай таарч барилдан түүнийг ёритаоши мэхээр хаяснаар башёг 1 даваатай үргэлжлүүлж байна.
Хацү башёгийн эхний өдөр Озэки Котозакүра Ёшинофүжи /М-5/-тэй учраа тааран барилдаж түүнийг окүридаши мэхээр хаяж 1 даваатай болов.
Харин Их аварга Ооносато Ичиямамото/М-1/-той таарч барилдан түүнийг ошидаши мэхээр давж эхний даваагаа авлаа.
Их аварга Хоошёорюү Хацү башёгийн эхний өдрийн барилдаанд Комүсүби Вакамотохарү учраа таарч барилдан түүнийг ёритаоши мэхээр хаяж 1 даваатай болоод байна.
