.png){kind=logo}
Улаанбаатар, 2026 оны нэгдүгээр сарын 19 /МОНЦАМЭ/. -2026 оны нэгдүгээр сарын 19-25-нд болох үйл явдлын тойм-
Улаанбаатарт:
1 дүгээр сарын 19-23-нд: Швейцарын Холбооны Улсын Давос хотноо болох Дэлхийн эдийн засгийн 56 дугаар чуулга уулзалтад Ерөнхий сайд Г.Занданшатар оролцоно.
1 дүгээр сарын 19-нд: Монгол Улсын нийгэм, эдийн засгийн 2025 оны урьдчилсан гүйцэтгэл танилцуулах хэвлэлийн хурал Үндэсний статистикийн хороонд болно.
1 дүгээр сарын 20-нд: Нийслэлийн хүн амын хаврын улирлын махны хэрэгцээнд зориулан нөөцийн махыг есөн дүүргийн 410 цэгээр худалдаж эхэлнэ.
1 дүгээр сарын 20-нд: Монгол Улсын Их Сургуулийн Монгол хэл, хэл шинжлэлийн тэнхим Академич Ш.Лувсанванданы мэндэлсэн өдрийг дурсан хүндэтгэж, жил бүрийн 1 дүгээр сарын 20-ны өдрийг “Лувсанванданы өдөр” хэмээн нэрлэж, эрдмийн баяр болгон тэмдэглэнэ.
1 дүгээр сарын 21-нд: Засгийн газрын хуралдаан болно.
1 дүгээр сарын 23-нд: Монгол Улсын Ерөнхийлөгчийн санаачилсан “Эх оронч худалдан авалт-Үндэсний үйлдвэрлэл-2026” нэгдсэн үйл ажиллагааг МҮХАҮТ-д зохион байгуулна.
1 дүгээр сарын 23-25-нд: Монголын үндэсний спортын VIII наадам Цонжинболдогт болно.
1 дүгээр сарын 23-25-нд: Улсын Хүүхэд залуучуудын театр “Аддамсын гэр бүл” дэлхийн алдарт мюзикл жүжгийг албан ёсны онцгой эрхтэйгээр тоглоно.
1 дүгээр сарын 24-нд: Монгол Улсын гурван сая дахь иргэн 2015 оны нэгдүгээр сарын 24-нд мэндэлж байв.
1 дүгээр сарын 24-нд: Монголын Үндэсний Бөхийн Холбооны Алтан цомын барилдаан болно.
1 дүгээр сарын 24-нд: "Талын жавхаа-2026" адууны соёлын өдөрлөг Чингис хааны хүрээ аялал жуулчлалын цогцолборт болно.
1 дүгээр сарын 24-нд: Цагаан сарын үзэсгэлэн худалдаа 10 дахь жилдээ "Хүннү шоппинг молл"-ын экспо танхимд өдөр бүр болно.
-Монголын спортын наадам 11 төрлөөр дөрвөн спорт цогцолборт нэгдүгээр сарын 25-ныг хүртэл болно.
-2026 оны цэргийн бүртгэл Е-mongolia системээр орон даяар нэгдүгээр сарын 23-ныг хүртэл үргэлжилнэ.
-“Монголчуудын уламжлалт хувцас, гоёл чимэглэл” үзэсгэлэн Монголын үндэсний музейд 2026 оны 2 дугаар сарын 2-ныг хүртэл гарна.
-"Хүнсний зориулалттай дахин боловсруулсан PET хуванцар савлагааг хэрэглээнд нэвтрүүлэх тухай" сэдэвт уралдааны бүтээлийг 2026 оны хоёрдугаар сарын 2-ныг хүртэл хүлээн авна.
-Монголын үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИННУТАГ сэдэвт видео контентын уралдааныг орон нутгийн хэвлэл мэдээллийн байгууллага, уран бүтээлчид, сонирхогчдын дунд зарлаж байна. Бүтээлийг 2026 оны 3 дугаар сарын 1-нийг хүртэл хүлээн авна.
-“Мөрөөдлийн мөсөн цэнгэлдэх-2025” Төв цэнгэлдэх хүрээлэнд 2026 оны гуравдугаар сарын 10-ныг хүртэл үргэлжилнэ.
Орон нутагт:
1 дүгээр сарын 23-25-нд: Хэнтий аймагт Жүдо бөхийн насанд хүрэгчдийн УАШТ болно.
1 дүгээр сарын 24-нд: Говь-Алтай аймгийн “Их говийн тэмээний баяр” болно.
1 дүгээр сарын 24, 25-нд: Дундговь аймгийн Мандалговь суманд Монгол Улсын Ерөнхийлөгчийн ивээл дор “Тэмээн дээрээс наран ойрхон” өвлийн их наадам, Тэмээчдийн V зөвлөгөөн болно.
1 дүгээр сарын 24, 25-нд: Завхан аймгийн Улиастай сумын аварга шалгаруулах ширээний теннисний тэмцээн Баруун бүсийн тамирчдыг олимпод бэлтгэх төвд болно.
1 дүгээр сарын 25-нд: Дархан-Уул аймагт мөсний загасчлалын “Дархан цом-2025” тэмцээн болно.
1 дүгээр сарын 25-нд: Сэлэнгэ аймагт “Аймгийн начин” цолтой бөхчүүдэд зориулсан барилдаан болно.
Хилийн чанадад:
-БНХАУ-ын ӨМӨЗО-ы Эрээн хотод “Хятад-Монголын цагаан сарын үзэсгэлэн худалдаа”-г 7 дахь жилдээ энэ сарын 25-ныг хүртэл гарна.
-Швейцарын Цюрих хотын Ритберг музейд “Монгол орон: Цаг хугацааны аялал буюу Mongolia-A Journey Through Time” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.
Эх сурвалж: МОНЦАМЭ Агентлаг Ж.Болор
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!