.png){kind=logo}
Өнөөдөр буюу 2026 оны 2 дугаар сарын 06-ны Баасан /Гэгээн/ гарагт болох зарим үйл явдлыг тоймлон танилцуулж байна.
Цөлжилттэй тэмцэх тухай НҮБ-ын конвенцын Гүйцэтгэх нарийн бичгийн дарга Ясмин Фуад Монгол Улсад энэ сарын 3-6-нд албан ёсны айлчлал хийж байна.
09:00 цагт Төрийн ордны “Сүхбаатар” танхимд: “Эрчим хүчний болон газрын тосны бүтээгдэхүүний хараат байдлыг бууруулах, эрчим хүчний шилжилтийн хүрээнд олон талт түншлэлийг бэхжүүлэх нь” хэлэлцүүлэг болно.
10:00 цагт Хууль зүй, дотоод хэргийн яамны хурлын танхимд: Гэрч, хохирогчийг хамгаалах тухай хуулийн шинэчилсэн найруулгын төслийн хэлэлцүүлэг болно.
10:00 цагт“ Жем кастл” төвийн хурлын зааланд: Агаарын бохирдлыг бууруулах Үндэсний хорооны ажлын албанаас цаг үеийн асуудлаар хэвлэлийн хурал хийнэ.
11:00 цагт Үндэсний цэцэрлэгт хүрээлэнд Сүлдэт баганы дэргэд: Сүхбаатар аймгийн Алтанбулагийн боомтоос гараанд гарсан хилчин цаначид барианд орно.
13:00 цагт “Их наяд” худалдааны төвийн Соёл урлагийн тоглолтын танхимд: Гал морин жилийн үндэсний хувцасны загварын чиг хандлагыг тодорхойлох “Минимал дээл” шоу болно.
17:00 цагт “Б Контемпорари” арт галерейн үзэсгэлэнгийн танхимд: Уран бүтээлч С.Мөнгөнзул “Торгоны зам” бие даасан үзэсгэлэнгээ нээнэ.
18:30 цагт: Монголын Хуульчдын холбооны Хуульчдын эрх, хууль ёсны ашиг сонирхлыг хамгаалах хорооноос “Амжилтад хүргэсэн алдаанууд” сэдэвт цуврал уулзалт, хэлэлцүүлгийг зохион байгуулна.
Монголын хөрөнгө оруулагчдын эрх ашгийг хамгаалах төвд: “Аялал жуулчлалын 7 хоног” үргэлжилж байна.
Спортын төв ордонд: МСБХ-ны U15 насны УАШТ энэ сарын 11-нийг хүртэл болно.
"Хүннү шоппинг молл"-ын экспо танхимд: Цагаан сарын үзэсгэлэн худалдаа энэ сарын 16-ныг хүртэл гарна.
“UG Expo” төвд: “Монгол өв соёл, үнэт эдлэлийн "Цагаан сар-2026” үзэсгэлэн энэ сарын 17-ныг хүртэл гарна.
“Их наяд” худалдааны төвд: “Амар байна уу-2026” үзэсгэлэн худалдаа энэ сарын 17-ныг хүртэл гарна.
Монголын үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИННУТАГ сэдэвт видео контентын уралдааныг орон нутгийн хэвлэл мэдээллийн байгууллага, уран бүтээлчид, сонирхогчдын дунд зарлаж байна. Бүтээлийг 2026 оны гуравдугаар сарын 1-нийг хүртэл хүлээн авна.
Төв цэнгэлдэх хүрээлэнд: “Мөрөөдлийн мөсөн цэнгэлдэх-2025” 2026 оны гуравдугаар сарын 10-ныг хүртэл үргэлжилнэ.
Уран зургийн галерейд: Жүжигчин, уран бүтээлч С.Пүрэвмаагийн үндэсний хувцасны өдөр тутмын загварын “Өмсгал” бие даасан үзэсгэлэн энэ сарын 7-ныг хүртэл гарна.
Монголын Үндэсний музейд: “Өнө мөнхийн молор эрдэнэ” тусгай үзэсгэлэн гуравдугаар сарын 1-нийг хүртэл гарна.
Увс аймагт: “Миний монгол-Увс цагаан сар-2026” үзэсгэлэн худалдаа болно.
Завхан аймагт: "Амар байна уу" цагаан сарын үзэсгэлэн худалдаа болно.
Өмнөговь аймагт: “Түмэн тэмээний баяр” болно.
Төв аймагт: Цагаан сар үзэсгэлэн худалдаа болж байна.
Дорноговьд: "Далай шанд” захад Аймгийн ЗДТГ, ХХААГ хамтран ирж буй гал морь жилийн сар шинийн баярыг угтан “Цагаан сар" үзэсгэлэн зохион байгуулна.
Увс аймагт: “Цанахүү-2026” тэмцээн болно.
Завханд: 24 суманд соёлын өвийг таниулах аян хоёрдугаар сарын 10-ныг хүртэл үргэлжилнэ.
Италийн Милан хотын “Сан-Сиро” цэнгэлдэх хүрээлэнд: 2026 оны Өвлийн олимпын наадмын нээлт болно.
Бүгд Найрамдах Итали Улсын Ром хотын Боргезе галерейд: “Монголоос Барокко ертөнц рүү” үзэсгэлэн энэ сарын 22-ныг хүртэл гарна.
Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн энэ сарын 26-ныг хүртэл гарна.
