.png){kind=logo}
Казахстаны Астана хотод 2023 оны 4 дүгээр сарын 9-14-нд сонгомол болон чөлөөт бөхийн Ази тивийн 2023 оны аварга шалгаруулах тэмцээн болж байгаа юм.
Тус тэмцээний эхний хоёр өдөр сонгомол барилдааны шилдгүүд тодорсон бол өнөөдрөөс чөлөөт бөхийн (2023.04.11) эмэгтэй тамирчид өрсөлдөж эхэллээ.
Энэ өдөр эмэгтэй 50, 55, 59, 68, 76 кг-ын барилдаанууд явагдаж, Монголоос 5 бөх дэвжээнд гарч барилдан хүчээ сорьсноос хагас шигшээд ганц бөх үлдэв. Энэ удаа 55 кг-д Чинболдын Отгонтуяа хагас шигшээд Казахстаны Марина Седневаг ялснаар алтан медалийн төлөө орой 20.00 цагаас хүч, ур чадвараа сорин барилдахаар боллоо.
Түүний өрсөлдөгч БНХАУ-ын Панг Кианю /PANG Qianyu/ бөгөөд тэр хагас шигшээд Японы Катаокаг 6:1 илүүрхэн ялжээ.
