.png){kind=logo}
Монгол Улсын нийслэл Улаанбаатар хотноо 2023 оны 8 дугаар сарын 16-23 явагдах Зүүн Азийн залуучуудын наадамд оролцох Монголын баг тамирчдад хүндэтгэл үзүүлж, Алтан соёмбот Төрийн гардуулан өгөх ёслол өнөөдөр /2023.08.08/ Монголын үндэсний олимпын хороо/МҮОХ/-ны байрны өмнөх талбайд боллоо.
Энэхүү ёслолд МҮОХ-ны ерөнхийлөгч, ОУОХ-ны гишүүн Б.Батүшиг, МҮОХ-ны Тэргүүн дэд ерөнхийлөгч, "Улаанбаатар-2023" Зүүн Азийн залуучуудын наадмын Монголын багийн ахлагч Ч.Наранбаатар, МҮОХ-ны Ерөнхий нарийн бичгийн дарга Э.Бадар-Ууган, "Улаанбаатар-2023" Зүүн Азийн залуучуудын наадмын Зохион байгуулах хорооны дэд дарга, Нийслэлийн Засаг даргын Нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөмөө, “Улаанбаатар-2023 Зүүн Азийн залуучуудын наадмын Зохион байгуулах хороо” ХХК-ийн гүйцэтгэх захирал П.Буяндэлгэр, БТСУХ-ны дарга О.Баттулга, хэлтсийн дарга Б.Нямсүрэн, МҮОХ-ны Гүйцэтгэх зөвлөлийн гишүүн Ч.Амарсанаа болон наадамд оролцох баг тамирчид, дасгалжуулагчдын төлөөлөл оролцов.
Монгол Улсын Төрийн далбааг МҮОХ-ны ерөнхийлөгч Б.Баттүшиг эх орондоо болох гэж байгаа тус наадамд өндөр амжилт гаргахыг хүсэн ерөөж, Монгол Улсын төрийн далбааг Зүүн Азийн залуучуудын наадмын Монголын багийн ахлагч Ч.Наранбаатар, баг тамирчдаа төлөөлөн тангараг өргөсөн волейболын тамирчин Ц.Ананд, сагсанбөмбөгийн тамирчин Ц.Анужин нарт гардуулан өглөө. Энэ хоёр тамирчнаас гадна бадминтоны баг тамирчдын дасгалжуулагч Т.Ууганбаяр дасгалжуулагчдаа төлөөлөн тангараг өргөсөн юм.
Монгол Улсын хувьд 2017 онд Тайванийн Тайчүн хотноо болсон Зүүн Азийн олимпын хороодын чуулганаар тус наадмыг зохион байгуулах эрхийг авч байсан юм.
Монголын багийн тугчаар өсвөрийн УАШТ-ий мөнгө, хүрэл медальт волейболын тамирчин Ц.Ананд, өсвөрийн УАШТ-ий таван удаагийн аварга, Хүүхдийн спортын наадмын аварга сагсан бөмбөгийн тамирчин Н.Анужин нар ийнхүү сонгогдсон юм.
Тус наадмын боксын тэмцээнд Монгол Улсаас эрэгтэй 7, эмэгтэй 3 тамирчин хүчээ сорих бөгөөд тэмцээн Монгол бөхийн өргөөнд наадмын эхний өдрөөс явагдах юм байна.
"Улаанбаатар-2023" Зүүн Азийн залуучуудын наадамд Зүүн Азийн бүс нутгийн улс орнуудын 1500 гаруй залуу тамирчин 11 спортын 12 төрөлд өрсөлдөх бөгөөд Монголоос 181 тамирчин 42 дасгалжуулагчийн бүрэлтэхүүнтэй оролцохоор бэлтгэл сургуулилтаа хийж байгаа билээ.
МҮОХ-ноос спортын хувцас хэрэглэлийн 361 брэндтэй хамтын ажиллагааны гэрээ байгуулсны хүрээнд наадамд оролцох баг, тамирчдаа иж бүрэн хувцас, өмсгөлөөр хангаад байгаа юм.
