Улаанбаатар, 2023 оны арваннэгдүгээр сарын 6 /МОНЦАМЭ/. 2023 оны 11 дүгээр сарын 6-12-нд болох үйл явдлын тойм.

Улаанбаатарт:

11 дүгээр сарын 6-нд: УИХ дахь МАН, АН-ын бүлгийн ээлжит хуралдаан Төрийн ордонд болно.

11 дүгээр сарын 6-7-нд: “Буддын шашин ба археологи” эрдэм шинжилгээний хурал Гандантэгчэнлэн хийдэд болж, тусгай үзэсгэлэн гарна.

11 дүгээр сарын 6-10-нд: “Бүсийн тээвэр, логистикийн холболтыг бэхжүүлэх нь" сэдэвт “Тээврийн долоо хоног 2023” олон улсын форумыг Зам, тээврийн хөгжлийн яамнаас санаачлан анх удаа зохион байгуулна.

11 дүгээр сарын 7-нд: Хэвлэл мэдээлэл, мэдээллийн суурь боловсролын Үндэсний V форум болно.

11 дүгээр сарын 7-нд: Дэлхийн чанарын өдрийг тохиолдуулан Үндэсний чанарын чуулганыг “Стандарт ба хөгжил” сэдвээр зохион байгуулна.

11 дүгээр сарын 7-нд: Монгол Улсын Филармонид Якутын филармонийн оркестроос "Магтаал сонгодог хөгжмийн их наадам"-ыг зохион байгуулна.

11 дүгээр сарын 7, 8-нд: УИХ-ын Байнгын хороодын хуралдаан болно.

11 дүгээр сарын 7-8-нд: Үндэсний Урлагийн Их Театрын "Монголын Их Хатад бүжгэн туульс 10 жил" тоглолт УДБЭТ-т болно.

11 дүгээр сарын 8-нд: Засгийн газрын ээлжит хуралдаан Төрийн ордонд болно.

11 дүгээр сарын 8-нд: Азийн сан, Голомт банк, Бизнес ёс зүйн төв хамтран “SheTrades Mongolia Hub Mongolia Beyond Your Border” арга хэмжээг зохион байгуулна.

11 дүгээр сарын 9, 10-нд: УИХ-ын чуулганы нэгдсэн хуралдаан Төрийн ордонд болно.

11 дүгээр сарын 9, 10-нд: ИНЕГ Олон улсын иргэний нисэхийн байгууллага (ICAO)-ын Ази, Номхон далайн бүсийн төвтэй хамтран “Чөлөөт агаарын зайн хэрэгжилт” олон улсын форумыг анх удаа зохион байгуулна.

11 дүгээр сарын 10-нд: Монгол Улсын Ерөнхийлөгчийн Тамгын газар, ЗГХЭГ, Баян-Өлгий аймгийн ЗДТГ хамтран "Алтай ханы Таван богд хайрхны тайлга тахилга: Уламжлал, шинэчлэл" сэдэвт эрдэм шинжилгээний хурлыг МУИС-ийн Номын санд зохион байгуулна.

11 дүгээр сарын 10-нд: Хөдөө аж ахуйн биржээс "Амьд малын төвлөрсөн арилжаа"-г "Эмээлт"-д байрлах Хөдөө аж ахуйн биржийн Ложистикийн төвд зохион байгуулна.

11 дүгээр сарын 10-нд: Монгол улсын Ерөнхийлөгчийн ивээл дор Монголын байгалийн гэрэл зурагчдын нийгэмлэгээс зохион байгуулсан "Монголын шилдэг байгалийн гэрэл зургийн уралдаан 2023" олон улсын уралдааны шилдэг гэрэл зургийн үзэсгэлэн Blue Mon Tower дахь Norphei Art Gallery-д нээлтээ хийнэ.

11 дүгээр сарын 11-нд: БШУЯ-ны санаачилгаар ХБНГУ-ын Саксон мужийн “Боловсролын өдөрлөг” болно.

11 дүгээр сарын 11-нд: UB Palace-т Монгол Улсын Гавьяат жүжигчин, дуучин Б.Сийлэгмаагийн "35 жил: Хайртай” хүндэтгэлийн тоглолт болно.

11 дүгээр сарын 11-нд: "Худалдаачин Үндэстэн" шинжээч, хөрөнгө оруулагчдын форум болно.

11 дүгээр сарын 12-нд: Увс аймгийн Бөхмөрөн сумын харьяат, Чөлөөт бөхийн ОУХМ, "Бор арслан" дэвжээний багш, дасгалжуулагч, аймгийн арслан Норжингийн Баярмагнайн нэрэмжит аймаг цэргийн цолтой 256 бөхийн барилдаан Монгол бөхийн өргөөнд болно.

Орон нутагт:

11 дүгээр сарын 6, 7-нд: Өвөрхангай аймгийн Стандартчилал, хэмжил зүйн төвөөс "Хүнсний аюулгүй байдлын удирдлага, хүнс үйлдвэрлэлийн хэлхээ дэх аливаа байгууллагад тавих шаардлага" сургалт, зөвлөгөөнийг зохион байгуулна.

11 дүгээр сарын 6-9-нд: Сэлэнгэ аймгийн Сүхбаатар сумын 1, 2, 3, 4 дүгээр сургууль ДЗМОУБ-тай хамтран "Аюулгүй сонголт" үйл ажиллагааг 1000 сурагчийг оролцуулан зохион байгуулна.

11 дүгээр сарын 6-11-нд: Булган аймагт Соёлын бүтээлч сарын үйл ажиллагаа болно.

11 дүгээр сарын 8-нд: Баянхонгор аймагт "Хүрэн морь" яруу найргийн наадам болно.

11 дүгээр сарын 8-нд: Дархан-Уул аймгийн Хонгор суманд үе үеийн номын санчдын уулзалт болно.

11 дүгээр сарын 9, 10-нд: Өвөрхангай өймгийн Хужирт суманд Хүүхдийн ивээх сангийн төслийн зөвлөлийн туршлага солилцох уулзалт болно.

11 дүгээр сарын 10-нд: Өмнөговь аймгийн ЗДТГ, ШУА-ийн Түүх, угсаатны зүйн хүрээлэн хамтран Даланзадгад суманд “Өмнөговь аймгийн түүх, соёлын өв” эрдэм шинжилгээний хурлыг зохион байгуулна.

11 дүгээр сарын 10-нд: Өвөрхангай аймгийн морин хуурч, уртын дуучдын наадам болно.

11 дүгээр сарын 10-12-нд: Дундговь аймгийн Мандалговь хотноо "Бага олимп"-ыг сагсан бөмбөг, волейбол, ширээний теннис, буудлага, дартс, даам, шатар, бадминтон, шагайн харваа гэсэн 9 төрлөөр зохион байгуулна.

Хилийн чанадад:

11 дүгээр сарын 2-10-нд: АНУ-ын Чикаго хотод “Монголын өдрүүд-2023” бизнес, соёлын цуврал арга хэмжээ үргэлжилнэ.

11 дүгээр сарын 5-7-нд Монгол Улсын Ерөнхийлөгч У.Хүрэлсүх Бүгд Найрамдах Ардчилсан Лаос Ард Улсад төрийн айлчлал хийнэ.

11 дүгээр сарын 5-10-нд: Шанхай хотод БНХАУ-ын Худалдааны яам, Шанхай хотын Ардын засгийн газар хамтран 6 дахь удаагийн “Хятадын Олон Улсын Импортын Экспо”-г зохион байгуулах бөгөөд Монгол Улсын төлөөлөл оролцоно.

11 дүгээр сарын 7-нд: БНХАУ-ын Бээжин хотноо “Монгол, Хятадын барилгын хөрөнгө оруулалтын чуулган” болно.

Эх сурвалж: МОНЦАМЭ Ж.Болор