.png){kind=logo}
Фүкүока хотноо үргэлжилж байгаа Японы мэргэжлийн сумо бөхийн 11 дүгээр сарын Кюүшюү башёгийн 12 дахь өдрийн барилдаанд Озэки Киришима Б.Лхагвасүрэн, Сэкиваке Котоновака-тай барилдаж түүнийг ёрикири мэхээр давснаар 10 даваа, 2 унаатай башёг үргэлжлүүлж байна
Энэ өдөр. Озэки Хошёорюү С.Бямбасүрэн, Атамифүжи /М-8/ учраа таарч барилдан, түүнд цүкиотоши мэхээр унаж 8 даваа, 4 унаатай болоод байна. Харин Атамифүжи /М-8/ 10 даваа, 2 унаатай Озэки Киришима Б.Лхагвасүрэнгийн хамт башёг тэргүүлж байна.
Кюүшюү башёгийн Макүүчи /Дээд зиндаа/-д Монголоос 4 сумоч барилдаж байгаа юм.
Мөн Озэки Такакэйшо, энэ өдөр Сэкиваке Вакамотохару-тай хүчээ сорин барилдаж, түүнийг ошидаши мэхээр хаяж 8 даваа, 6 унаатай болов.
Тамаваши Б.Мөнх-Оргил /М-12/ энэ өдөр Охо /М-12/-тэй учраа тааран хүч үзэж, түүнийг цүкидаши мэхээр хаяж 8 даваа, 4 унаатай башёг үргэлжлүүлж байна.
Мөн Хокүсэйхо А.Даваанинж /М-7/, Макүүчид анх удаа дэвшин барилдаж байгаа ОХУ-ын Тувагийн монгол бөх Рога А.Амарсанаа /М-16/-тай таарч барилдан түүнийг ёрикири мэхээр хаяснаар 6 даваа, 6 унаатай боллоо.
