.png){kind=logo}
Ази тивийн хөлбөмбөгийн спортын анагаах ухааны мэргэжилтнүүдийн хамгийн өргөн хүрээтэй “AFC 8th Medical Conference” хурал 2025 онд Малайз улсын Куала-Лумпур хотноо болно.
Ковид-19 вирусийн халдварын цар тахлын улмаас 2020 онд зохион байгуулагдах байсан “AFC 7th Medical Conference – Qatar” хурал 3 жил хойшлогдож 2023 оны 3 сарын 2-6-нд Ази тивийн хөлбөмбөгийн спортын анагаах ухааны 300 гаруй мэргэжилтнүүд оролцож, амжилттай зохион байгуулсан байна.
Үндэсний шигшээ багийн эмч, АШУҮИС-ийн МАУОУС, Уламжлалт бариа заслын тэнхимийн эрхлэгч, АШУҮИС-ийн МАУТЭ, Спорт зөөлөн эдийн гэмтлийн тасгийн эрхлэгч Г.Мөнхзул, МХБХ-ны эмч Т.Отгонжаргал нар олон улсын хурал, Sports Physiotherapy болон Cadaver workshop сургалтууд, хөлбөмбөгийн спортын анагаах ухааны шилдгүүдийг тодруулсан шагнал гардуулах ёслолд амжилттай оролцлоо.
Энэхүү хурлын үеэр ОУХБХ-ноос тамирчдын эрүүл мэндийг хамгаалах төслийн хүрээнд МХБХ-нд зүрх судасны үйл ажиллагаа алдагдсан үед хэрэглэх яаралтай тусламжийн AED-төхөөрөмжийг хүлээн авлаа.
