.png){kind=logo}
БЕРЛИН, 2024 оны долоодугаар сарын 7. /DW/. Германд болж буй Европын хөл бөмбөгийн аварга шалгаруулах тэмцээний хагас шигшээд өрсөлдөх багууд тодорлоо.
Хагас шигшээд шалгарахын төлөөх сүүлчийн тоглолтууд долоодугаар сарын 6-ны бямба гарагт болж, Английн шигшээ баг Швейцарын багийг торгуулийн цохилтоор 5:3-аар, Нидерландын баг Туркийн шигшээг 2:1-ээр хожлоо.
1988 онд тус тэмцээнд түрүүлж байсан Нидерландын баг хагас шигшээд өмнөх тэмцээний финалд шалгарч байсан Английн багтай өрсөлдөнө. Тоглолт 7 дугаар сарын 10-нд Дортмунд хотноо болно.
Европын гурван удаагийн аварга Испанийн шигшээ баг 7 дугаар сарын 9-нд Мюнхен хотын цэнгэлдэх хүрээлэнд тус тэмцээний хошой аварга Францын багтай тоглоно.
Европ тивийн хөл бөмбөгийн аварга шалгаруулах 17 дахь удаагийн тэмцээний шувтаргын тоглолт 7 дугаар сарын 14-нд Берлин хотод болно.
Эх сурвалж: МОНЦАМЭ Агентлаг Д.Жаргал
