.png){kind=logo}
Монголын чөлөөт бөхийн холбооны Ерөнхий нарийн бичгийн дарга Батсүхийн Мянганбаяр АНУ-ын Нью Жерси мужийн Ньюарк хотын Сэйнт Бэнэдикт'с Прэп сургуулийн алдрын танхимын гишүүнээр өргөмжлөгдлөө.
Энэ үйл явдал нь Монголын чөлөөт бөхийн төлөөлөл спортын амжилтаараа АНУ-д Алдрын танхимд нэрээ бичүүлсэн анхны тохиолдол юм.
Б.Мянганбаяр нь одоогоос 20 жилийн өмнө Сэйнт Бэнэдикт'с дунд сургуулийг дүүргэж, Миннесота мужийн Сэйнт Жонсын их сургуульд 100 хувь тэтгэлгээр “Математик, бизнесийн удирдлага” мэргэжлээр 2011 онд бакалавр зэрэгтэй төгссөн юм.
Тэрээр ийнхүү АНУ-д суурь болон дээд боловсрол эзэмшиж байхдаа чөлөөт бөхийн спортоо орхилгүй бэлтгэл сургуулилтаа үргэлжлүүлсээр NCAA буюу Америкийн Үндэсний их сургуулиудын тамирчдын холбооноос зохион байгуулдаг Америкийн аварга шалгаруулах тэмцээнд дараалан 3 түрүүлж, энэ амжилтаараа “All American” цол хүртэж байсан юм.
“Алдрын танхим”-ын гишүүнээр өргөмжлөгдөх ёслолын үйл ажиллагаанд түүнийг дэмжиж ирсэн дотны найзууд, багш дасгалжуулагчид, багийн гишүүдийн хамтаар оролцлоо.
Б.Мянганбаяртаа цаашдынх нь амьдрал, хайртай спортынхоо төлөөх зорьж, төлөвлөж буй бүх ажил үйлсэд нь өндөр амжилт хүсье. Мөн багш дасгалжуулагч, хамт олон, гэр бүлд нь халуун баяр хүргэе!
Эх сурвалж: МЧБХ
