.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 10 дахь өдрийн /2023.03.20/ барилдааныг тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, өнөөдөр Ура /М-8/-тай учраа тааран барилдаж, түүнийг ёрикири мэхээр хаяснаар 6 даваа, 4 унаатай боллоо.
Миторюү М.Төрболд /М-17/ энэ өдөр Тохакүрюү /Жюүрёо-1/-тэй таарч барилдан, түүнийг ёрикири мэхээр хаяж 5 унаа, 5 даваатай болов.
Чиёошома Г.Мөнхсайхан /М-16/, Миёогирюү /М-10/-тай учраа таарч хүч үзэн түүнийг хатакикоми мэхээр давж 7 даваа, 3 унаатай башёг үргэлжлүүлж байна.
Азүмарюү С.Тодбилэг /М-11/ өнөөдөр Ичияамамото/М-8/-той таарч барилдан, түүнийг хатакикоми мэхээр давснаар нэг даваа, 9 унаатай боллоо.
Мэргэжлийн сумо бөхийн хаврын тэмцээний 10 дахь өдөр /2023.03.15/ Тамаваши Б.Мөнх-Оргил /М-1/, Рюүдэн /М-2/-той таарч барилдан түүнийг ошидаши мэхээр давж энэ башёг 2 даваа, 8 унаатай үргэлжлүүлж явна.
Энэ өдөр Секивакэ Кирибаяама Б.Лхагвасүрэн Митакэүми /М-3/-тэй учраа таарч түүнийг ёрикири мэхээр давснаар 7 даваа, 3 унаатай боллоо.
Харин Сэкиваке Хошёорюү С.Бямбасүрэн Комүсүби Дайэйшо-той учраа таарч барилдан, түүнийг ёрикири мэхээр давснаар 3 унаа, 7 даваатай болоод байна.
Энэ башёг тэргүүлж яваа Мидорифүжи /М-5/ Тобизарюү/М-8/-тэй учраа таарч барилдан түүнийг варидаши мэхээр давснаар 10 даваатай болж энэ башёг ганцаараа тэргүүлж байна.
