.png){kind=logo}
Өнөөдөр буюу 2024 оны 12 дугаар сарын 11-ний Лхагва /Үлэмж/ гарагт болох зарим үйл явдлыг тоймлон танилцуулж байна.
09:00 цагт Төрийн ордонд: УИХ-ын чуулганы нэгдсэн хуралдаан, ажлын хэсгийн хуралдаан болно.
Төрийн ордонд: Засгийн газар хуралдана.
11:00 цагт Архивын ерөнхий газарт: “Шинжлэх ухааны ажилтны өдөр”-ийг тохиолдуулан Үндэсний төв архивд Монгол Улсын шинжлэх ухааны гавьяат зүтгэлтэн, академич Г.Чулуунбаатар агсны хувийн хөмрөг хүлээн авах ёслол болно. Утас: 9902-7211.
11:00 цагт: ЭМЯ-нд Томуу, томуу төст өвчний нөхцөл байдал болон түүнд нөлөөлж буй агаарын бохирдол, угаар зэрэг асуудлаар хэвлэлийн бага хурал болно. Утас 9110-8333, 8911-9482, 9612-1060.
12:00 цагт Төрийн ордонд: Шүүхийн ерөнхий зөвлөлийн шүүгч бус гишүүний албан тушаалд нэр дэвшигчийн томилгооны сонсгол болно.
13:00-16:30 цагт “Новотел” зочид буудалд: Байгаль дэлхийгээ хайрлан хамгаалж, хог хаягдлаа ангилан ялгах талаар мэдээлэл олгож, чиглүүлэх зорилготой “Дахин боловсруулцгаая-Go Recycle” үйл ажиллагаа болно.
14:00 цагт Хаан банкны “Хаан” театрт: СЗХ-ны “Үнэт цаасны хороо-30 жил” хэлэлцүүлэгтэй. Сангийн яам, Монголбанк, Хөрөнгийн бирж, ОУСК, НҮБ, бусад холбогдох байгууллагын удирдлагууд оролцож хөрөнгийн зах зээлийн өнөөгийн нөхцөл байдлын талаар ярилцана. Утас: 9119-7636.
14:00 цагт ГХЯ-нд: “Монгол Улсын нийгэм, эдийн засагт "Эрдэнэт үйлдвэр"-ийн үзүүлж буй нөлөө, хувь нэмэр” эрдэм шинжилгээний хурал болж, үйлдвэрийн удирдлага тогтвортой хөгжлийн тайланг тавина.
Улсын драмын эрдмийн театрт: Тус театрын уран бүтээлчид Н.Л.Толстойн “Анна Каренина” жүжгийг тайзнаа тоглоно.
