.png){kind=logo}
Сүмо бөх сонирхогч та бүхэндээ Осака хотноо болж байгаа Японы мэргэжлийн сүмо бөхийн Хаврын тэмцээн буюу Хару башёгийн сүүлийн буюу 15 дахь өдрийн /2026.03.22/ барилдааны тоймыг толилуулж байна.
Харин Рога А.Амарсанаа/М-10/ өнөөдөр Кинбозан /М-16/-тэй учраа тааран барилдаж түүнд цүкидаши мэхээр унаж 5 даваа, 10 унаатай башёг дуусгав.
Ахмад сумоч Тамаваши Б.Мөнх-Оргил/М-9/ өнөөдөр Котоейхо/М-17/-тэй учраа тааран барилдаж түүнийг ошидаши мэхээр хаяж 5 даваа, 10 унаатай башёг дуусгалаа.
Чиёошома Г.Мөнхсайхан/М-14/ энэ өдөр Ура/М-8/-тай таарч барилдан түүнийг хатакикоми мэхээр хаяж 10 даваа, 5 унаатай башёг амжилттай дуусгаж байна.
Асахакүрюү Р.Жамъянтогтох /М-16/ башёгийн 14 дэх өдөр Хакүнофүжи /М-7/-тэй оноолт тааран барилдаж түүнд ёрикири мэхээр унаж 10 даваа, 5 унаатай башёг амжилттай өндөрлүүлж байна.
Ошёома П.Дэлгэрбаяр /М-7/ энэ өдөр Комүсүби Вакамотохару-тай учраа тааран хүч үзэж түүнийг уватэнаге мэхээр давснаар 6 даваа, 9 унаатай энэ башёг өндөрлүүлэв.
Комүсүби Атамифүжи энэ өдөр Сэкиваке Такаясү-тэй хүч үзэн барилдаж түүнд уватэхинери мэхээр унаснаар 9 даваа, 6 унаатай болсон бол Такаясү 7 даваа, 8 унаатай башёг өндөрлүүлж байна.
Түрүү бөхөөр шалгараад байгаа Сэкиваке Киришима Б.Лхагвасүрэн өнөөдөр Озэки Котозакүра-тай учраа таарч хүчээ сорин барилдаж түүнд ошидаши мэхээр унаж 12 даваа 3 унаатай Хару башёг тэргүүлэв. Харин Озэки Котозакүра 10 даваа, 5 унаатай башёг дуусгаад байна.
Их аварга Хоошёорю С.Бямбасүрэн өнөөдөр Озэки Аонишики-тэй учраа тааран барилдаж түүнийг какэнаге мэхээр давснаар 11 даваа, 4 унаатай энэ башёг амжилттай өндөрлүүллээ. Харин Озэки Аонишики 7 даваа, 8 унаатай энэ башёг дуусгаж байна.
Ийнхүү Хаврын башёгийн 15 дахь өдөр Сэкиваке Киришима ганцаараа 12 даваатай түрүү бөхөөр тодорч Японы эзэн хааны цомын эзэн боллоо.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!