ӨНӨӨДӨР: Шилдэг татвар төлөгчдөд шагнал гардуулах ёслол болно

Өнөөдөр буюу 2026 оны 5 дугаар сарын 4-ний Даваа /Саран/ гарагт болох зарим үйл явдлыг тоймлон танилцуулж байна.

09:00 цагт Төрийн ордонд: УИХ дахь намуудын бүлэг хуралдана.

09:00 цагт: Хүнс, хөдөө аж ахуй, хөнгөн үйлдвэрийн салбарын удирдах ажилтны зөвлөлдөх уулзалт болно.

09:30 цагт Блью скай зочид буудалд: Эх, хүүхэд, нөхөн үржихүйн эрүүл мэндийн үндэсний зөвлөгөөн болно.

11:00 цагт Төрийн ордны “Баганат” танхимд: Шилдэг татвар төлөгчдөд шагнал гардуулах ёслол болно.

11:00 цагт “Монгол ньюс” мэдээллийн төвд: “Майнд тэч” компаиас “Эзэгтэй сан” 50 сая төгрөгийн хуримтлал бүрдүүлж, мөнгийг хэрхэн зарцуулах талаар олон нийтийн санал асуулгыг ил тодоор зохион байгуулах талаар мэдээлэл хийнэ.

12:00 цагт Үндэсний мэдээллийн төвд: Туулын хурдны замын төсөл хэрэгжүүлэгч компанид Нийслэлийн ИТХ-ын Төлөөлөгчид болон удирдлагууд давуу байдал олгосон нь иргэдийн эрхийг зөрчиж буй талаар АТГ, Эрүүгийн Цагдаагийн алба, Тагнуулын ерөнхий газарт хандаж хэвлэлийн хурал хийнэ.

Үндэсний Статистикийн Хорооноос таван жил тутам зохион байгуулдаг "Аж ахуйн нэгж, байгууллагын ээлжит тооллого" энэ сарын 15-ныг хүртэл үргэлжилнэ.

“Тэрбум мод тарих үндэсний өдрүүд” 6 дугаар сарын 1-нийг хүртэл үргэлжилнэ.

Төв цэнгэлдэх хүрээлэн, Барилгачдын талбай, Жуковын талбай, Налайх дүүрэг, “Соёлын төв ордон”-ы талбайд: “Тэрбум мод экспо” үзэсгэлэн худалдаа 5 дугаар сарын 15-ны өдрийг хүртэл зохион байгуулна.

“Hue арт” галерейд: МУЭ-ийн гишүүн, зураач Ц.Соёлмаагийн “Зэрэглээн цаана” үзэсгэлэн энэр сарын 16-ныг хүртэл гарна.

Улаанбаатар дахь Хятадын соёлын төвд: “Уран бүтээлийн хур-Олон улсын хятад хэлний өдөр” сэдэвт орчин үеийн хятадын уран бичлэг, дүрслэх урлагийн шилдэг уран бүтээлчдийн үзэсгэлэн энэ сарын 20-ныг хүртэл гарна.

Сингапурт: 2026 оны 3x3 сагсан бөмбөгийн Азийн аварга шалгаруулах тэмцээн эхэлнэ.

Эрхүү хот дахь В.С.Рогалийн нэрэмжит урлагийн төвд: Орос, Монгол Улсын хооронд дипломат харилцаа үүссэний 105 жилийн ойд зориулсан “Монгол орон Эрхүүгийн зураачдын нүдээр” уран бүтээлийн үзэсгэлэн энэ сарын 28-ныг хүртэл гарна.

Москва хотын Кремлийн музейд: “Чингис хааны удмынхан: Оросууд ба даян дэлхий” үзэсгэлэн 7 дугаар сарын 19-нийг хүртэл гарна.