ӨНӨӨДӨР: “Лос Анжелес-2028” олимпын эрхийн оноо олгох жүдо бөхийн “Улаанбаатар-2026” Их дуулга тэмцээн эхэлнэ

Өнөөдөр буюу 2026 оны 6 дугаар сарын 19-ний Баасан /Гэгээн/ гарагт болох зарим үйл явдлыг тоймлон танилцуулж байна.

09:00 цагт Төрийн ордонд: УИХ-ын ээлжит чуулган хуралдана.

09:30 цаг “Степпа Арена”-д т: Монгол Улсын Ерөнхийлөгчийн ивээл дор “Лос Анжелес-2028” олимпын эрхийн оноо олгох жүдо бөхийн "Улаанбаатар-2026" Их дуулга тэмцээн эхэлнэ.

10:00 цагт Тэрэлж дэх “Glory resort”-д: “Монголын уран нугаралтын чуулган-2026” эхэлнэ.

12:00 цагт МҮЭ-ийн холбооны хурлын танхимд: Монголын эрчим хүч, геологи, уул уурхайн үйлдвэрчний эвлэлийн холбооноос ажил хаялтыг улс орон даяар зохион байгуулах болсон тухай мэдээлнэ.

18:00 цагт Тусгаар тогтнолын талбайд: Монгол, Солонгосын уран бүтээлчдийн хамтарсан тоглолт болно.

19:00 цагт УДЭТ-т: “Тэнгэрийн хүү” түүхэн туульсын жүжгийг толилуулна.

Монгол Улсын Ерөнхийлөгч У.Хүрэлсүхийн ивээл дор Евроазийн музейн олон улсын анхдугаар чуулганыг энэ сарын 20-ныг хүртэл зохион байгуулна.

Уран зургийн галерейд: Улаанбаатар хот болон БНСУ-ын Гвангжу хотын уран бүтээлчдийн хамтарсан “Бие биедээ тусах гэрэл” үзэсгэлэн энэ сарын 25-ныг хүртэл гарна.

Сэлэнгэ аймгийн Ерөө суманд: “Алтаргана-2026” наадам үргэлжилнэ.

Хархорум музейд: “Хубилай хааны усан флот” сэдэвт гэрэл зургийн тусгай үзэсгэлэнг 8 дугаар сарын 30-ныг хүртэл зохион байгуулна.

БНХАУ-ын Бээжин хотод: 32 дахь удаагийн номын үзэсгэлэн энэ сарын 21-нийг хүртэл болно.

ОХУ-ын нийслэл Москва хотын Кремлийн музейд “Чингис хааны удмынхан: Оросууд ба даян дэлхий” үзэсгэлэн 7 дугаар сарын 19-нийг хүртэл гарна.

Венецийн дүрслэх урлагийн олон улсын 61 дэх удаагийн биеннальд Монголын уран бүтээлчид “Сүлжилдээн: Хил дамнасан холбоосууд” үзэсгэлэнгээр 11 дүгээр сарын 22-ныг хүртэл оролцоно.

Эх сурвалж: МОНЦАМЭ Агентлаг