.png){kind=logo}
Өнөөдөр буюу 2026 оны 6 дугаар сарын 25-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
09:00 цагт "Буянт-Ухаа" спортын ордонд: Волейболын насанд хүрэгчдийн УАШТ үргэлжилнэ.
09:30 цагт НҮБ-ын байранд: Далайд гарцгүй хөгжиж буй орнуудын Авазагийн үйл ажиллагааны хөтөлбөр хэрэгжүүлэх төлөвлөгөөг хэлэлцэх зөвлөлдөх уулзалт болно.
10:00 цагт: Элсэлтийн шалгалт орон даяар эхэлж байна.
10:00 цагт Төрийн ордонд: УИХ-ын чуулганы нэгдсэн хуралдаан болно.
10:00 цагт Төрийн ордны “Жанжин Д.Сүхбаатар” танхимд: УИХ-ын даргын 2026 оны 20 дугаар захирамжаар байгуулсан Ажлын хэсгийн хүрээнд Усны тухай хуулийн шинэчилсэн найруулгын төслийн хэлэлцүүлэг болно.
10:00 цагт “Блю Мон”-д: "Улс төрийн намын санхүүжилтийн ил тод байдал” өгөгдлийн дүрслэлийн үзэсгэлэн эхэлнэ.
10:00 цагт: “Улаанбаатар олон улсын төгөлдөр хуурчдын анхдугаар фестиваль” 4 дэх өдрөө үргэлжилнэ.
11:00 цагт Д.Сүхбаатарын талбайд: “FIBA 3x3 Women series” тэмцээн эхэлнэ.
11:00 цагт ХЭҮК-ын байранд: Эрэгтэйчүүдийн сэтгэцийн эрүүл мэндийн тулгамдсан асуудлаар судалгааны дүгнэлт танилцуулах хурал болно.
11:00 цагт “Блю Скай” зочид буудлын “Топаз” танхимд: Монгол Улс дотооддоо хоёр дахь бүсийн нислэгийн хөдөлгөөний удирдлагын төв байгуулах төслийн систем, тоног төхөөрөмжийн санхүүжилтийг шийдвэрлэх гэрээнд гарын үсэг зурах ёслол болно.
11:00 цагт Баянзүрх дүүргийн 21-р сургуулийн байранд: 2026 оны Элсэлтийн шалгалт эхэлж байгаатай холбогдуулан Боловсролын үнэлгээний төвөөс хэвлэлийн хурал зохион байгуулна.
11:30 цагт МҮЭХ-ноос өөрийн байранд: Нийгмийн даатгалын багц хуулийн нөхцөлийг ноцтой байдлаар дордуулж, яаралтай горимоор УИХ-аар батлах гэж байгаатай холбогдуулан мэдээлэл хийнэ.
Уран зургийн галерейд: Улаанбаатар хот болон БНСУ-ын Гвангжу хотын уран бүтээлчдийн хамтарсан “Бие биедээ тусах гэрэл” үзэсгэлэн энэ сарын 25-ныг хүртэл гарна.
“HUE” арт галерейд: Зураач Б.Батжингийн “Цаг хугацааны өнгө” бие даасан үзэсгэлэнг гарч байна.
Занабазарын нэрэмжит Дүрслэх урлагийн музейд: “Гайхамшигт хүлэг морьд давхих газар” үзэсгэлэн гарч байна.
Говьсүмбэр аймагт: Цөлжилттэй тэмцэх тухай НҮБ-ын конвенцын Талуудын 17 дугаар бага хурлын (UNCCD COP17) бэлтгэл ажлын хүрээнд Говийн бүсийн зөвлөлдөх уулзалт болно.
Өвөрхангай аймагт: Хархорум музейд “Хубилай хааны усан флот” сэдэвт гэрэл зургийн тусгай үзэсгэлэнг 8 дугаар сарын 30-ныг хүртэл зохион байгуулна.
Өвөрхангай аймагт: Олон улсын хэт бартаат замын авто спортын “РФС Монголия” уралдаан эхэлнэ.
Сэлэнгэ аймагт: Шаамар сумын Охинды 2-р багийн нутаг дэвсгэр “Орхон гол”-ын эрэгт Урсгал уснаас эрэн хайх аврах ажиллагааны сургалт, дадлага өнөөдөр дуусна.
АНУ-д: Америкийн үндэсний сагсан бөмбөгийн холбооны драфтын ажиллагаа 2 дахь өдрөө үргэлжилнэ. Энэхүү драфтад гавьяат тамирчин Ц.Шаравжамцын хүү Энхийн-Од албан ёсоор дэвшиж байгаа юм.
Москва хотын Кремлийн музейд: “Чингис хааны удмынхан: Оросууд ба даян дэлхий” үзэсгэлэн 7 дугаар сарын 19-нийг хүртэл гарна.
Итали улсад: Венецийн дүрслэх урлагийн олон улсын 61 дэх удаагийн биеннальд Монголын уран бүтээлчид “Сүлжилдээн: Хил дамнасан холбоосууд” үзэсгэлэнгээр 11 дүгээр сарын 22-ныг хүртэл оролцоно.
Гүржийн Батуми хотод: өсвөрийн шатарчдын дэлхийн цомын тэмцээн үргэлжилж байна. Монголоос 18 шатарчин оролцож байгаа юм.
Италийн Монтесильвано хотод: Өсвөрийн шатарчдын 2026 оны дэлхийн аварга шалгаруулах тэмцээн /14, 16, 18 насны ангилалд/ үргэлжилж байна. Манай улсаас 8 тамирчин өрсөлдөж байна.
Эх сурвалж: МОНЦАМЭ Агентлаг
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!