ӨНӨӨДӨР: Олон улсын монголч эрдэмтний XIII их хурлын нээлт болно

Өнөөдөр буюу 2026 оны 8 дугаар сарын 10-ны Даваа /Саран/ гарагт болох зарим үйл явдлыг тоймлон танилцуулж байна.

09:00 цагт Төрийн ордны Есөн хөлт, цагаан тугт танхимд: Монголч эрдэмтдэд шагнал гардуулна.

10:00 цагт Төрийн ордны Их Монгол танхимд: Олон улсын монголч эрдэмтний XIII их хурлын нээлт болно.

10:00 цагт МОНЦАМЭ агентлагийн мэдээллийн төвд: Цөлжилттэй тэмцэх тухай НҮБ-ын конвенцын Талуудын 17 дугаар бага хурлын үеэр зам, тээвэр, логистикийн зохицуулалтын талаар хэвлэлийн хурлыг хийнэ.

11:00 цагт "Зууны мэдээ" сонины Үндэсний мэдээллийн төвд: Дэлхийн шилдэг 100 их, дээд сургуульд суралцах эрх авсан ч Боловсролын зээлийн сангийн санхүүжилт шийдэгдээгүй оюутнуудын төлөөлөл, эцэг эхчүүд Ерөнхий сайд Н.Учралд албан шаардлага хүргүүлж, асуудлыг шийдвэрлэх хүртэл Төрийн ордны гадна суулт хийхээр болсон асуудлаар хэвлэлийн хурал хийнэ.

11:00 цагт Боловсролын яаманд: “Сургуулийн өмнөх болон ерөнхий боловсролын 2026 оны сургалтын байгууллагын гүйцэтгэлийн үнэлгээ”-ний талаар хэвлэлийн хурал хийнэ.

11:40 цагт Төрийн ордны Есөн хөлт, цагаан тугт танхимд: Дэлхийн адууны өдрийн шагналыг уяачдад гардуулна.

11:40 цагт Богд хааны ордон музейд: Энэ сарын 22, 23-нд Төв цэнгэлдэх хүрээлэнд "KHARKHORUM 360° visual art & music festival" болно. Үүнтэй холбоотой хэвлэлийн хурал болно.

Улаанбаатар хотноо: “Дэлхийн малчдын чуулган” болно.

Г.Занабазарын нэрэмжит Дүрслэх урлагийн музейд: Тус музейн 60 жилийн ойд зориулсан “Дүрслэх урлагийн оюуны өв сан” тусгай үзэсгэлэн гарч байна.

“Чингис хаан” үндэсний музейд: Их зохиолч, соён гэгээрүүлэгч Д.Нацагдоржийн амьдралын замнал, хэрэглэж байсан эд зүйлсийг харуулсан тусгай үзэсгэлэн үргэлжилнэ.

Монголын Үндэсний музейн үзэсгэлэнгийн танхимд: "Монгол наадам: Морин эрдэнэ" тусгай үзэсгэлэн энэ сарын 16-ны өдрийг хүртэл гарна.

Хархорум музейд: “Хубилай хааны усан флот” сэдэвт гэрэл зургийн тусгай үзэсгэлэн энэ сарын 30-ныг хүртэл гарна.

Их Британийн Бирмингем хотын Александрын цэнгэлдэх хүрээлэнд: Европын хөнгөн атлетикийн аварга шалгаруулах тэмцээн болно.

Их Британи, Умард Ирландын Нэгдсэн Хаант Улсын Лийдс хот дахь Эзэн хааны зэвсгийн музейд: “Чингис хаан: Монголчууд дэлхийг өөрчилсөн нь” олон улсын тусгай үзэсгэлэн 11 дүгээр сарын 1-нийг хүртэл гарна.

Венецийн дүрслэх урлагийн олон улсын 61 дэх удаагийн биеннальд Монголын уран бүтээлчид “Сүлжилдээн: Хил дамнасан холбоосууд” үзэсгэлэнгээр 11 дүгээр сарын 22-ныг хүртэл оролцоно.

Эх сурвалж: МОНЦАМЭ Агентлаг