.png){kind=logo}
ОХУ-ын Онцгой байдлын яамнаас олон улсын Иргэний хамгаалалтын өдрийг тохиолдуулан зохион байгуулсан 33 дахь удаагийн “Предотвращение, Спасение, Помощь” олон улсын эрдэм шинжилгээний хуралд Гал эсэргүүцэх албаны академийн сонсогчид оролцож, илтгэл хэлэлцүүлжээ.
Тодруулбал, Иргэний хамгаалалтын академиас зохион явуулсан тус эрдэм шинжилгээний бага хуралд Гал эсэргүүцэх албаны академийн IV курсийн сонсогч, дэд ахлагч Б.Нандин-Эрдэнэ, магистрын II курсийн сонсогч, ахмад Н.Төрбат, бакалаврын III курсийн сонсогч, дэд ахлагч Г.Батхангай, дэд ахлагч М.Ганбат нар илтгэлээ амжилттай хэлэлцүүлсэн байна.
Мөн Гал эсэргүүцэх албаны академиас зохион байгуулсан “Организация работы с кадрами в системе МЧС” сэдэвт эрдэм шинжилгээний бага хуралд V курсийн сонсогч, ахлагч О.Батболд, IV курсийн сонсогч, дэд ахлагч Э.Энхсувд нар илтгэл хэлэлцүүлснээс магистрын II курсийн сонсогч, ахмад Н.Төрбат, бакалаврын III курсийн сонсогч, дэд ахлагч Г.Батхангай, дэд ахлагч М.Ганбат, V курсийн сонсогч, ахлагч О.Батболд, IV курсийн сонсогч, дэд ахлагч Э.Энхсувд нар амжилттай оролцсон юм.
Дээрх олон улсын эрдэм шинжилгээний хуралд Абхаз, Азербайжан, Армени, Беларусь, Вьетнам, Казахстан, Киргизстан, Монгол, Молдав, Серби, Тажикистан, Узбекистан зэрэг улсын шинжлэх ухаан, боловсролын байгууллагууд, онцгой байдлын албаны төлөөлөгчид оролцсон байна гэж Онцгой байдлын ерөнхий газраас мэдээллээ.
