.png){kind=logo}
Сүмо бөх сонирхогч та бүхэндээ өчигдөр буюу 2026 оны 5 дугаар сарын 10-нд эхэлсэн Японы мэргэжлийн сүмо бөхийн Нацү башёгийн 2 дахь өдрийн /2026.05.11/ барилдааны тоймыг толилуулж байна.
Ахмад сумоч Тамаваши Б.Мөнх-Оргил/М-13/ өнөөдөр Рога А.Амарсанаа/М-14/-тай учраа тааран барилдаж түүнд ёрикири мэхээр унаж 2 унаатай боллоо. Харин Рога 1 даваа, 1 унаатай болоод байна
Ошёома П.Дэлгэрбаяр /М-8/ энэ өдөр Асахакүрюү Р.Жамъянтогтох /М-8/-той оноолт тааран барилдаж түүнд ошидаши мэхээр унаж 2 унаатай болсон бол Асахакурюү 1 даваа, 1 унаатай болов.
Чиёошома Г.Мөнхсайхан/М-7/ энэ өдөр Чураноүми/М-6/-тэй таарч барилдан түүнд ошидаши мэхээр унаснаар 2 унаатай болоод байна.
Комүсүби Такаясү энэ өдөр Ичияамамото/М-2/-той таарч барилдан түүнийг хикиотоши мэхээр давж 2 даваатай боллоо.
Сэкиваке Атамифүжи энэ өдөр Хирадоүми/М-3/-тэй учраа тараан хүч сорьж түүнд ёрикири мэхээр унаснаар 2 унаатай болов. Харин Хирадоүми 1 даваа, 1 унаатай башёг үргэлжлүүлж байна.
Сэкиваке Котошохо өнөөдөр Таканошёо/М-1/-той учраа тааран хүч үзэж түүнд ошидаши мэхээр унаснаар 2 унаатай болоод байгаа бол Таканошёо даваа, унаа нэг нэг боллоо.
Озэки Котозакүра Комүсүби Вакатакакаге-тэй учраа тааран барилдаж түүнд ёрикири мэхээр унаснаар 2 унаатай болсон бол Вакатакакаге 2 даваатай болов.
Озэки Киришима Б.Лхагвасүрэн өнөөдөр Ёшинофүжи/М-2/-тэй учраа таарч барилдаж түүнийг ёритаоши мэхээр хаяж 2 даваатай боллоо.
Нацү башёгийн эхний өдөр Комүсүби Такаясү-д уватэнаге мэхээр унасан Их аварга Хоошёорюү энэ өдөр Фүжинокава/М-1/-тай учраа тааран барилдах байсан ч бэртлийн улмаас башёг өнжихөөр болжээ.
Энэ удаагийн Нацү башёд ийнхүү 2 Их аварга, 1 Озэки бэртэл, гэмтлийн улмаас өнжих болсноор шинэ цолтнууд болон залуу бөхчүүдэд боломж гарч байгаа гэдгээрээ онцлогтой башё болж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!